టీవీల్లోకి వచ్చేస్తున్న బలగం, ఎప్పుడు, ఎక్కడ టెలిక్యాస్ట్ కానుందో తెలుసుకోండి
చిన్న సినిమాలుగా రిలీజై పెద్ద విజయాన్ని అందుకున్న సినిమాలు కొన్నే ఉంటాయి. ఈ మధ్య కాలంలో వచ్చిన బలగం సినిమా అందులో ఒకటి. సినిమా రిలీజ్ కు ముందు కొంచెం కూడా బజ్ లేకుండా రిలీజైన ఈ సినిమా, కేవలం ప్రేక్షకుల నోటి మాట ద్వారానే 30కోట్ల వసూళ్ళు సాధించింది. తెలంగాణ గ్రామీణ నేపథ్యాన్ని, సంస్కృతిని వెండితెర మీద అచ్చంగా ఆవిష్కరించడంతో, ప్రేక్షకులు అందరూ బలగం చిత్రానికి నీరజనాలు పలికారు. థియేటర్లలో 50రోజులు సక్సెస్ ఫుల్ గా నడిచిన బలగం చిత్రం, ఇప్పుడు టెలివిజన్ ప్రేక్షకుల ముందుకు రాబోతుంది. తాజాగా బలగం సినిమా టీవీ ప్రీమియర్ పై అప్డేట్ వచ్చింది.
చర్చల్లోకి వస్తున్న టీఆర్పీ టాపిక్
స్టార్ మా ఛానెల్ లో మే 7వ తేదీ ఆదివారం సాయంత్రం 6గంటలకు బలగం మూవీ టెలిక్యాస్ట్ కానుంది. ఈ నేపథ్యంలో బలగం మూవీ టీఆర్పీ గురించి చర్చ నడుస్తోంది. అమెజాన్ ప్రైమ్ వీడియోలోకి సినిమా వచ్చినపుడు, పెద్ద పెద్ద స్క్రీన్లు పెట్టుకుని పల్లెటూర్లలో చూసారు. ఇప్పుడు టీవీల్లోకి బలగం వచ్చేస్తుంది కాబట్టి బలగం చిత్రానికి భారీ టీఆర్పీ రేటింగ్స్ వచ్చే అవకాశం ఉందని అంచనా వేస్తున్నారు. మరేం జరుగుతుందో చూడాలి. బలగం సినిమాలో ప్రియదర్శి హీరోగా కనిపించాడు. కావ్యా కళ్యాణ్ రామ్ హీరోయిన్ గా కనిపించింది. భీమ్స్ సంగీతం అందించిన ఈ సినిమను వేణు యెల్దండి డైరెక్ట్ చేసారు. రూపాలక్ష్మి, కోట జయరాం ప్రధాన పాత్రల్లో కనిపించారు.
ఈ టైమ్ లైన్ ని షేర్ చేయండి