దూసుకుపోతున్న బాలయ్య వీరసింహారెడ్డి.. క్రేజీ రికార్డ్ దిశగా పయనం
బాలక్రిష్ణ హీరోగా గోపీచంద్ మలినేని దర్శకత్వంలో రూపొందిన వీరసింహారెడ్డి సినిమా, రిలీజ్ కి ముందే రికార్డులు రాసే దిశగా దూసుకుపోతుంది. అమెరికాలో ప్రీ సేల్స్ లో లక్ష డాలర్ల మార్కును టచ్ చేసింది. సంక్రాంతి సందర్భంగా జనవరి 12వ తేదిన ప్రపంచ వ్యాప్తంగా రిలీజ్ అవుతోంది ఈ సినిమా. ఐతే యుఎస్ ప్రీమియర్స్ మాత్రం జనవరి 11వ తేదీనే పడనున్నాయి. ఇంకా రిలీజ్ అవడానికి వారం రోజుల సమయం ఉంది. ఇప్పటికే లక్ష డాలర్ల మార్కును టచ్ చేసింది. సంక్రాంతి బరిలో ఉన్న వేరే సినిమాలన్నీ వసూళ్ళలో వీరసింహారెడ్డి వెనకాలే ఉన్నాయి. రిలీజ్ తర్వాత కూడా ఇదే దూకుడు కొనసాగిస్తే అమెరికాలో లాంగ్ రన్ లో మంచి వసూళ్ళు సాధించే అవకాశం ఉంది.
ట్రైలర్ ఎప్పుడంటే
వీరసింహారెడ్డి నుండి విడుదలైన పాటలకు మంచి రెస్పాన్స్ వచ్చింది. ప్రస్తుతం అభిమానులు అందరూ ట్రైలర్ కోసం ఎదురుచూస్తున్నారు. జనవరి 6వ తేదీన ఒంగోలు లో జరిగే ప్రీ రిలీజ్ ఈవెంట్ లో ట్రైలర్ ని రిలీజ్ చేయనున్నారు. ఈ సినిమాలో శృతి హాసన్ హీరోయిన్ గా కనిపిస్తోంది. థమన్ సంగీతం అందించారు. మైత్రీ మూవీ మేకర్స్ బ్యానర్ పై నవీన్ యెర్నేని, రవి శంకర్ నిర్మిస్తున్నారు. వీరసింహారెడ్డి తో పాటు చిరంజీవి నటించిన వాల్తేరు వీరయ్య కూడా సంక్రాంతి సందర్భంగా ప్రేక్షకుల ముందుకు వస్తోంది. ఈ సినిమాను కూడా మైత్రీ మూవీ మేకర్స్ నిర్మించింది. మరి ఈ రెండు సినిమాలు బాక్సాఫీసు దగ్గర ఎంతటి వినోదాన్ని అందిస్తాయో చూడాలి.
