వీరసింహారెడ్డి: హైదరాబాద్ లో బాలయ్య సినిమాకు వీరలెవెల్లో బుకింగ్స్, రికార్డుల మోత
ఈ వార్తాకథనం ఏంటి
ఒకరోజు తెల్లవారితే వీరసింహారెడ్డి సినిమా థియేటర్లలోకి వచ్చేస్తుంది. బాలయ్య నటించిన ఈ సినిమాకు అడ్వాన్స్ బుకింగ్స్ వేరే లెవెల్ లో ఉన్నాయని టాక్ వినిపిస్తోంది.
హైదరాబాద్ లో వీరసింహారెడ్డి దూకుడు ఎక్కువగా ఉందని బుక్ మై షో రికార్డ్స్ చెబుతున్నాయి. దాదాపుగా అన్ని థియేటర్లలోనూ టికెట్ల అమ్మకాలు ఎక్కువగా ఉన్నాయని, కొన్ని చోట్ల మొత్తం టికెట్లు అమ్ముడయ్యాయని అంటున్నారు.
ఈ అమ్మకాలు ఇంకా కొనసాగుతూనే ఉన్నాయి. ఇవన్నీ చూస్తుంటే వీరసింహారెడ్డి సినిమాకు హైదరాబాద్ లో మంచి ఓపెనింగ్స్ దక్కే అవకాశం ఉందని, దానివల్ల నైజాం కలెక్షన్లు పెరుగుతాయని అంచనా వేస్తున్నారు.
ఆంధ్ర, రాయలసీమ ప్రాంతాల్లోనూ ఇదే మాదిరిగా ఉందని, అటు ఓవర్సీస్ లో కూడా ఇదే ట్రెండ్ కొనసాగుతున్నట్లు కనిపిస్తోంది.
వీరసింహారెడ్డి
వందకోట్ల క్లబ్ లో చేరే అవకాశం
ప్రస్తుత ట్రెండ్, టికెట్ల అమ్మకాలు బాగున్నాయి. దీంతో పాటు సినిమా బాగుందని పాజిటివ్ రివ్యూస్ వస్తే వీరసింహారెడ్డి సినిమాతో బాలయ్య చైత్ర సృష్టించే అవకాశం ఉందని ట్రేడ్ పండితులు విశ్లేషిస్తున్నారు.
సినిమా రిలీజ్ అయ్యాక కూడా ఇదే ఊపు కొనసాగితే వందకోట్ల క్లబ్ లో చేరడం పెద్ద కష్టమేమీ కాదని చెబుతున్నారు.
అఖండ సినిమా విజయం తర్వాత బాలయ్య నుండి వస్తున్న సినిమా కావడంతో వీరసింహారెడ్డిపై అంచనాలు ఆకాశంలో ఉన్నాయి. ఆ అంచనాలను అందుకుని కొత్త చరిత్రను లిఖిస్తుందని అభిమానులు ఆశపడుతున్నారు.
గోపీచంద్ మలినేని దర్శకత్వం వహించిన ఈ సినిమాను మైత్రీ మూవీ మేకర్స్ నిర్మించింది. శృతి హాసన్ గా హీరోయిన్ గా కనిపించిన ఈ చిత్రానికి థమన్ సంగీతం అందించాడు.