ఛత్రపతి: బరేలీ కా బజార్ సాంగ్ లో బెల్లంకొండ మాస్ స్టెప్పులు, నుస్రత్ బరూచా ఘాటు హొయలు
ప్రభాస్ హీరోగా రాజమౌళి రూపొందించిన ఛత్రపతి సినిమాను హిందీలో అదే పేరుతో రీమేక్ చేస్తున్నారు దర్శకుడు వివి వినాయక్. బెల్లంకొండ సాయి శ్రీనివాస్ ఇందులో హీరోగా నటిస్తున్నారు. ఇదివరకు ఈ సినిమా నుండి టీజర్ రిలీజైంది. టీజర్ లో యాక్షన్ డోస్ ఎక్కువగా ఉండడంతో పాటు ఒరిజినల్ ఛత్రపతిలోని సీన్లను అచ్చు గుద్దినట్టుగా దింపేసినట్లుగా అనిపించింది. తాజాగా ఈ చిత్రం నుండి బరేలీ కా బజార్ అనే వీడియో సాంగ్ రిలీజైంది. ఈ మాస్ సాంగ్ లో బెల్లంకొండ శ్రీనివాస్, హీరోయిన్ నుస్రత్ బరూచా కనిపించారు. నుస్రత్ బరూచా చాలా ఘాటుగా కనిపించింది. వైట్ డ్రెస్ లో హొయలు పోతూ మత్తెక్కించేలా డ్యాన్స్ చేసింది.
తనీష్ బగ్చీ అందించిన సంగీతం
రెండు నిమిషాల నిడివి గల పాటలో బెల్లంకొండ స్టెప్పులు, నుస్రత్ హొయలు హైలైట్ గా నిలిచాయి. ఈ పాటకు సంగీతాన్ని తనిష్ బగ్చీ అందించగా, సాహిత్యాన్ని మయూర్ పూరి రచించారు. ఈ పాటను సునిధి చౌషాన్, దేవ్ నేగి పాడారు. ఈ సినిమాతో బాలీవుడ్ లోకి అడుగుపెడుతున్నాడు బెల్లంకొండ శ్రీనివాస్. చాలా రోజుల తర్వాత ఈ సినిమాతో వివి వినాయక్ దర్శకుడిగా మారాడు. పెన్ స్టూడియోస్ బ్యానర్ లో రూపొందిన ఈ సినిమాను జయంతి లాల్ గడా నిర్మిస్తున్నారు. మే 12వ తేదీన ప్రపంచ వ్యాప్తంగా హిందీ భాషలో రిలీజ్ అవుతుంది.
ఈ టైమ్ లైన్ ని షేర్ చేయండి