కెప్టెన్ మిల్లర్ టీజర్: డైలాగ్ లేకుండా యాక్షన్ సీన్లతో నింపేసారు
తమిళ నటుడు ధనుష్ హీరోగా ప్రేక్షకుల ముందుకు వస్తున్న చిత్రం కెప్టెన్ మిల్లర్. ప్రియాంకా మోహన్ హీరోయిన్ గా కనిపిస్తున్న ఈ చిత్ర టీజర్ ను ఈరోజు రిలీజ్ చేసారు. ధనుష్ పుట్టినరోజు సందర్భంగా విడుదలైన ఈ టీజర్ లో యాక్షన్ సీన్లే ఎక్కువగా కనిపించాయి. బ్రిటీష్ కాలం నాటి కథతో కెప్టెన్ మిల్లర్ తెరకెక్కిందని టీజర్ లోని షాట్లు చూస్తే అర్థమవుతోంది. ఈ పూర్తి టీజర్ లో ఒక్క డైలాగ్ కూడా లేదు. చివర్లో వచ్చే ఇంగ్లీష్ మాటలు తప్ప మరెక్కాడా ఒక్క మాట కూడా లేదు. పూర్తిగా యాక్షన్ సీన్లు, పోరాట సన్నివేశాలు కనిపించాయి.
డిసెంబర్ 15వ తేదీన విడుదల
ప్రియాంకా మోహన్ పాత్రను కూడా యాక్షన్ మోడ్ లో ఉన్నట్టుగా టీజర్ లో చూపించారు. తెలుగు నటుడు సందీప్ కిషన్ ఒకానొక షాట్ లో కనిపించారు. అరుణ్ మాతీశ్వరన్ దర్శకత్వం వహిస్తున్న ఈ సినిమాను సత్యజ్యోతి ఫిలిమ్స్ బ్యానర్ పై సెంథిల్ త్యాగరాజన్, అరుణ్ త్యాగరాజన్ నిర్మిస్తున్నారు. జీవీ ప్రకాష్ కుమార్ సంగీతం అందిస్తున్న ఈ సినిమాను 2023 డిసెంబర్ 15న రిలీజ్ చేస్తున్నారు. ఈ సినిమా తర్వాత తన స్వీయ దర్శకత్వంలో 50వ సినిమాను ధనుష్ రూపొందించనున్నాడు. ఆ తర్వాత శేఖర్ కమ్ముల దర్శకత్వంలో ధనుష్ నటించనున్నాడు. ఈ మేరకు ఆల్రెడీ ప్రకటన కూడా వచ్చింది.
