వాల్తేరు వీరయ్య: ప్రమోషన్లలో ఆలస్యం.. కారణం అదే
ఈ వార్తాకథనం ఏంటి
మెగాస్టార్ చిరంజీవి వాల్తేరు వీరయ్య సినిమా సంక్రాంతికి రెడీ అవుతోంది. 2023 జనవరి 13వ తేదీన థియేటర్లలో సందడి చేయనుంది. ఐతే ప్రచార పనులు మాత్రం పెద్ద ఎత్తున ఇంకా మొదలు కాలేదు.
చాలారోజుల తర్వాత సంక్రాంతి బరిలో తన సినిమాను దించుతున్నారు మెగాస్టార్ చిరంజీవి. దాంతో అటు సినిమా ఇండస్ట్రీ వాళ్లతో పాటు చిరంజీవి అభిమానులు కూడా చాలా ఉత్సాహంగా ఉన్నారు.
ఇప్పటికే ఈ సినిమా నుండి రెండు పాటలు విడుదలయ్యాయి. బాస్ పార్టీ బాంబ్ లా పేలితే శ్రీదేవి పాట సున్నితంగా ఎక్కింది.
శ్రీదేవి పాటను ఫ్రాన్స్ లోని మంచు పర్వతాల్లో చిత్రీకరణ చేసినట్లు వీడియో కూడా రిలీజ్ చేసారు. ప్రస్తుతం మూడవ పాట రిలీజ్ కి సిద్ధం అవుతోంది.
మెగాస్టార్ చిరంజీవి
సోమవారం నుండి రంగంలో దూకనున్న చిరంజీవి.
అటు పాటల చిత్రీకరణ, ఇటు డబ్బింగ్ పనుల్లో బిజీగా ఉండడం వల్ల ఇప్పటి వరకు సినిమా ప్రమోషన్లలోకి చిరంజీవి దిగలేదు. ప్రస్తుతం ఆ పనులన్నీ పూర్తయిపోయినట్లు తెలుస్తోంది.
సోమవారం నుండి వాల్తేరు వీరయ్య ప్రమోషన్లలో చిరంజీవి పాల్గొంటారని వినిపిస్తోంది. ఇంటర్వ్యూలు ఇవ్వడంతో పాటు ట్రైలర్ లాంచ్ ఈవెంట్ ని భారీ ఎత్తున ప్లాన్ చేస్తున్నారట.
మొత్తానికి వాల్తేరు వీరయ్య ప్రమొషన్లు సోమవారం నుండి మొదలై ట్రైలర్ లాంచ్ తో పీక్స్ కి చేరుకుంతాయని అర్థమవుతోంది. ఈ సినిమాను మైత్రీ మూవీ మేకర్స్ నిర్మిస్తోంది.
బాబీ కొల్లి దర్శకత్వం వహిస్తున్నారు. దేవిశ్రీ ప్రసాద్ సంగీతం అందించారు. మరి ఈ సినిమా బాక్సాఫీసు వద్ద ఎలాంటి సునామీ సృష్టిస్తుందో చూడాలి.