వివాదాల సినిమాలో నటించిన హీరోయిన్ చిన్నప్పటి ఫోటోలు; ఎవరో గుర్తుపట్టారా?
ప్రస్తుతం త్రో బ్యాక్ ఫోటోలు ఎక్కువగా ట్రెండ్ అవుతున్నాయి. సినిమా స్టార్లు తమ చిన్ననాటి ఫోటోలను షేర్ చేస్తూ కనిపిస్తున్నారు. తాజాగా ఒక హీరోయిన్ ఫోటోలు సోషల్ మీడియాలో ట్రెండ్ అవుతున్నాయి. తను స్టార్ హీరోయిన్ కాకపోయినా ప్రస్తుతం ఆమె చిన్ననాటి ఫోటోలు వైరల్ అవుతున్నాయి. ఎందుకంటే ఆమె నటించిన ది కేరళ స్టోరీ చిత్రం ప్రేక్షకుల ముందుకు వచ్చింది. అవును, మీరనుకునేది నిజమే, ఆ హీరోయిన్ ఎవరో కాదు.. అదా శర్మ. హార్ట్ అటాక్ సినిమాతో తెలుగు ప్రేక్షకలోకానికి పరిచయమైన ఈ భామ, తెలుగులో చలా తక్కువ సినిమాల్లో నటించింది. సన్నాఫ్ సత్యమూర్తి, సుబ్రమణ్యం ఫర్ సేల్, కల్కి సినిమాల్లో కనిపించింది. ఈ రోజు ఆమె పుట్టినరోజు.
కేరళ స్టోరీ చిత్రానికి భారీగా వసూళ్ళు
మే 5న రిలీజైన ది కేరళ స్టోరీ చిత్రంపై ఎన్నో వివాదాలు నడుస్తున్నాయి. కేరళలో మతసామరస్యాలను దెబ్బతీసేందుకే ఈ చిత్రాన్ని తెరకెక్కించారని కేరళ ప్రభుత్వం విమర్శలు చేసింది. కేరళను అవమానికించడానికే ఈ సినిమా తీసారంటూ ప్రతిపక్షాలు వాదనలు చేసాయి. అయితే ప్రస్తుతం ది కేరళ స్టోరీ చిత్రం, బాక్సాఫీసు వద్ద మంచి వసూళ్ళను నమోదు చేస్తోంది. కేరళకు చెందిన 32వేల మంది మహిళలు మిస్సయ్యారనే ఆరోపణలు చాలారోజుల నుండి ఉన్నాయి. మిస్సయిన మహిళలు ఏమయ్యారు? వాళ్ళెలా మిస్సయ్యారు? అనే అంశం మీద ఈ సినిమాను రూపొందించారని తెలుస్తోంది. సుదీప్తోసేన్ దర్శకత్వం వహించిన ఈ సినిమాను విపుల్ అమృత్ లాల్ షా నిర్మించారు.
