ది కేరళ స్టోరీ సినిమాపై చెలరేగుతున్న వివాదం, నిషేధం విధించాలని డిమాండ్
ఈ వార్తాకథనం ఏంటి
మరో ఐదు రోజుల్లో రిలీజ్ కాబోతున్న సినిమాపై కేరళలో తీవ్ర వివాదం చెలరేగుతోంది. ది కేరళ స్టోరీ పేరుతో తెరకెక్కిన సినిమాను నిషేధించాలంటూ కేరళ ప్రభుత్వ అధికార పక్షాలు, విపక్షాలు డిమాండ్ చేస్తున్నాయి.
మత సామరస్యాన్ని దెబ్బతీసి అల్లర్లు సృష్టించే విధంగా ది కేరళ స్టోరీ సినిమాను తెరకెక్కించారని, ఇలాంటి రాజకీయాలు కేరళలో పని చేయవని ముఖ్యమంత్రి పినరయి విజయన్ అన్నారు.
ది కేరళ స్టోరీ కథ ఏంటంటే:
ట్రైలర్ లో చూపించిన దాని ప్రకారం, కేరళ రాష్ట్రంలో కొంతమంది అమ్మాయిలు తప్పిపోతూ ఉంటారు.
ఇలా తప్పిపోయిన వాళ్ళందరూ మతం మార్చుకుని ఉగ్రవాద సంస్థల్లో చేరినట్లు, ప్రపంచవ్యాప్తంగా ఉగ్రవాద కార్యకలాపాల్లో వాళ్ళు పాల్గొంటున్నట్లు చూపించడంతో వివాదానికి దారి తీసింది.
Details
సినిమా చూడండంటున్న దర్శకుడు
గతంలో కేరళ రాష్ట్రంలో దాదాపు 32వేల మంది అమ్మాయిలు తప్పి పోయారనే ఆరోపణలు వచ్చాయి. దాని ఆధారంగానే ఈ సినిమా రూపొందినట్లు తెలుస్తోంది. మే 5వ తేదిన ది కేరళ స్టోరీ సినిమా రిలీజ్ కావాల్సి ఉంది.
ఇందులో అదా శర్మ ప్రధాన పాత్రలో కనిపిస్తోంది. గతంలో లఖ్ నవూ టైమ్స్, అస్మా చిత్రాలను నిర్మించిన అమృత్ లాల్ షా ఈ చిత్రాన్ని నిర్మించారు. సుదీప్తోసేన్ దర్శకత్వం వహించారు.
ఈ సినిమాను విడుదల చేయనివ్వమని అటు అధికార పక్షాలు, విపక్షాలు అంటుంటే, దర్శకుడు మాత్రం, మొదట సినిమాను చూడమని, ఏదైనా విషయంలో అభ్యంతరాలు ఉంటే తర్వాత చర్చ పెట్టుకుందామని అంటున్నాడు.
మరి, ది కేరళ స్టోరీ సినిమా విడుదల అవుతుందో లేదో చూడాలి.