Sankranthiki Vasthunam OTT: 'హను-మాన్‌' బాటలో 'సంక్రాంతికి వస్తున్నాం'.. ఓటీటీ స్ట్రీమింగ్‌పై ఆసక్తి
ఈ వార్తాకథనం ఏంటి
విక్టరీ వెంకటేష్ కథానాయకుడిగా, అనిల్‌ రావిపూడి దర్శకత్వంలో తెరకెక్కిన క్రైమ్‌, కామెడీ ఎంటర్‌టైనర్‌ 'సంక్రాంతికి వస్తున్నాం' జనవరి 14న విడుదలై ఘన విజయాన్ని సాధించింది.
ఐశ్వర్య రాజేశ్‌, మీనాక్షి చౌదరి కథానాయికలుగా నటించిన ఈ చిత్రం బాక్సాఫీస్‌ వద్ద మంచి వసూళ్లు సాధిస్తోంది. ముఖ్యంగా కుటుంబ ప్రేక్షకుల నుంచి ఈ సినిమాకు విశేష ఆదరణ లభిస్తోంది.
13 రోజుల్లో ప్రపంచవ్యాప్తంగా రూ.276 కోట్లు వసూలు చేసింది. ఉత్తర అమెరికాలో కూడా మంచి విజయాన్ని సాధించిన ఈ చిత్రం 2.7 మిలియన్‌ డాలర్లను రాబట్టింది.
ఈ వారం బాక్సాఫీస్‌ వద్ద కొత్త సినిమాలు రాకపోవడంతో ఈ చిత్ర విజయానికి కలిసొచ్చే అంశంగా మారింది. ఇక 'సంక్రాంతికి వస్తున్నాం' ఓటిటి హక్కులను జీ5 సొంతం చేసుకుంది.
Details
ఫిబ్రవరి చివరి వారంలో ఓటిటిలో విడుదలకు సన్మాహాలు
మొదట ఒప్పందం ప్రకారం, ఈ చిత్రాన్ని ఫిబ్రవరి 2వ వారంలో స్ట్రీమింగ్‌ చేయాలని నిర్ణయించుకున్నారు.
అయితే థియేటర్లలో ప్రేక్షకుల విశేష స్పందనను చూసి, స్ట్రీమింగ్‌ను మరింత ఆలస్యం చేయాలని చిత్ర నిర్మాతలు భావిస్తున్నట్లు సమాచారం.
మేకర్స్‌ జీ5 టీమ్‌ను స్ట్రీమింగ్‌ను వాయిదా వేయమని కోరినట్లు తెలుస్తోంది. ఈ చిత్ర బృందం కోరిన మేరకు స్ట్రీమింగ్‌ను ఆలస్యం చేయడం వల్ల బాక్సాఫీస్‌ వసూళ్లను మరింత పెంచుకోనుంది.
గత డిసెంబర్‌లో విడుదలైన 'పుష్ప 2' 56 రోజుల తర్వాత ఓటీటీలోకి రాబోతున్న సంగతి తెలిసిందే.
ఆ లెక్కన చూస్తే 'సంక్రాంతికి వస్తున్నాం' చిత్రం ఫిబ్రవరి చివరి వారంలో లేదా మార్చి మొదటి వారంలో జీ5లో స్ట్రీమింగ్‌కు వచ్చే అవకాశాలు ఉన్నాయి.