షారుక్ ఖాన్ ను చంపేస్తామంటూ బెదిరింపులు: Y+ సెక్యూరిటీని ఏర్పాటు చేసిన మహారాష్ట్ర ప్రభుత్వం
బాలీవుడ్ హీరో షారుక్ ఖాన్ కి మహారాష్ట్ర ప్రభుత్వం వై ప్లస్ సెక్యూరిటీని ఏర్పాటు చేసింది. షారుక్ ఖాన్ ను చంపేస్తామంటూ బెదిరింపులు వచ్చిన నేపథ్యంలో వై ప్లస్ సెక్యూరిటీని ఏర్పాటు చేసారు. వివరాల్లోకి వెళితే, పఠాన్, జవాన్ వంటి రెండు సక్సెస్ ఫుల్ సినిమాల తర్వాత ఎవరో గుర్తుతెలియని దుండగుల నుండి షారుక్ ఖాన్ కి బెదిరింపులు వచ్చాయని ముంబై పోలీసులు తెలియజేశారు. ఈ నేపథ్యంలో షారుక్ ఖాన్ కి 24 X 7 పాటు వై ప్లస్ సెక్యూరిటీని ఏర్పాటు చేశారు. వై ప్లస్ సెక్యూరిటీ ప్రకారం ఆరుగురు భద్రతా సిబ్బంది ఎల్లప్పుడూ షారుఖ్ ఖాన్ రక్షణలో ఉంటారు.
సినిమా సెలెబ్రిటీలకు చావు బెదిరింపులు
గతంలో షారుక్ ఖాన్ కి సెక్యూరిటీగా ఇద్దరు కానిస్టేబుల్స్ మాత్రమే ఉండేవారు. ఇప్పుడు ఆరుగురు భద్రతా సిబ్బంది షారుఖ్ ఖాన్ రక్షణలో ఉంటారు. సినిమా సెలబ్రిటీలకు గుర్తు తెలియని దుండగుల నుండి చంపేస్తామంటూ బెదిరింపులు రావడం ఇది మొదటిసారి కాదు. గతంలో సల్మాన్ ఖాన్ కి కూడా ఇలాంటి బెదిరింపులే వచ్చాయి. లారెన్స్ బిష్ణోయ్ గ్యాంగ్ నుండి సల్మాన్ ఖాన్ కి బెదిరింపులు రావడంతో ఆయనకి కూడా వైప్లస్ సెక్యూరిటీని మహారాష్ట్ర ప్రభుత్వం ఏర్పాటు చేసింది. అంతేకాదు అమితా బచ్చన్, ఆమీర్ ఖాన్, అక్షయ్ కుమార్, అనుపమ్ ఖేర్ వంటి నటులకు ఎక్స్ సెక్యూరిటీ ఉంది.
