Dharmendra: బాలీవుడ్ లెజెండ్ ధర్మేంద్రకి పద్మ విభూషణ్.. హీ మ్యాన్.. లెజెండరీ జర్నీ
ఈ వార్తాకథనం ఏంటి
ఇటీవల బాలీవుడ్ చారిత్రక నటుడు ధర్మేంద్ర మరణించిన తర్వాత, కేంద్ర ప్రభుత్వం ఆయనకు భారతదేశంలో రెండో అత్యున్నత పౌర అవార్డు పద్మ విభూషణ్ ను ప్రకటించింది. యాక్షన్, ఎమోషన్, రొమాన్స్ ఇలా మూడు జానర్లను సమపాళ్లుగా పండించి 'హీ మ్యాన్'గా కోట్లాది మంది గుండెల్లో నిలిచిన ధర్మేంద్రను కేంద్రం ఈ అత్యున్నత పురస్కారంతో సత్కరించింది. గతేడాది ఆయన మనల్ని వీడగా, ఆయన కళారంగానికి చేసిన సుదీర్ఘ సేవలకు గుర్తుగా ఈ ఏడాది గణతంత్ర దినోత్సవం సందర్భంగా ఈ అత్యున్నత పురస్కారాన్ని ప్రకటించారు. పంజాబ్ నుండి ముంబైకు వచ్చి, ఎలాంటి సినీ నేపథ్యం లేకుండా స్టార్డమ్ను సాధించిన ధర్మేంద్ర, 1960ల్లో సినీ ప్రయాణం ప్రారంభించి'షోలే','ధర్మ వీర్','సీతా ఔర్ గీతా','చుప్కే చుప్కే'వంటి బ్లాక్బస్టర్ చిత్రాల్లో నటించారు.
వివరాలు
300కి పైగా సినిమాల్లో..
ఆయన 300కి పైగా సినిమాల్లో నటించారు. హీరో అంటే కండలు తిరిగిన దేహంతో ఉండాలనే ట్రెండ్కు ఆయనే ఆద్యుడు. రాజకీయ రంగంలో కూడా ఎంపీగా ప్రజా సేవలో భాగం అయ్యారు. పద్మ విభూషణ్ అవార్డు విషయాన్ని ఆయన సతీమణి హేమమాలిని హర్షంగా స్వీకరించారు. రాజకీయ రంగంలో కూడా ఎంపీగా ప్రజా సేవలో భాగం అయ్యారు. ధర్మేంద్రకు పద్మ విభూషణ్ పురస్కారం దక్కడం పట్ల ఆయన సతీమణి హేమమాలిని హర్షం వ్యక్తం చేశారు.
వివరాలు
'హీ మ్యాన్'గా ప్రసిద్ధి
70, 80లో యువతరం అభిమానించిన 'హీ మ్యాన్' ధర్మేంద్ర, పూర్తి పేరు ధర్మేంద్ర కేవల్ కిషన్ డియోల్. నటుడిగా,నిర్మాతగా,రాజకీయ నాయకుడిగా ఆయన ప్రత్యేక గుర్తింపును సంపాదించారు. ఆరు దశాబ్దాల కంటే ఎక్కువకాలం కొనసాగిన ఆయన సినీ జీవితంలో 300కుపైగా సినిమాల్లో నటించారు. హ్యాండ్సమ్ హీరోగా,కమర్షియల్ సక్సెస్ ఐకాన్గా నిలిచారు.చిత్ర పరిశ్రమలో ఎలాంటి గాడ్ఫాదర్ లేకుండా స్వంత ప్రతిభతో స్టార్డమ్ సాధించిన ధర్మేంద్ర 1935 డిసెంబర్ 8న పంజాబ్లోని లూథియానా జిల్లా,నస్రాలీ గ్రామంలో జన్మించారు. 1952లో మెట్రిక్యులేషన్ పూర్తి చేసిన అయన 19 ఏళ్ల వయసులో ప్రకాశ్ కౌర్నును వివాహం చేసుకున్నారు. కెరీర్ ప్రారంభంలో చిన్నపాత్రలతో మొదలుపెట్టిన ఆయన 1960లో 'దిల్ భీ తేరా హమ్ భీ తేరే' సినిమాతో మొదటి మైలురాయిని దాటారు.
వివరాలు
'హీ మ్యాన్'గా ప్రసిద్ధి
'ఆయే మిలన్ కీ బేలా', 'ఫూల్ ఔర్ పత్తర్', 'ఆయే దిన్ బహర్ కే' వంటి చిత్రాలతో 60లలోనే స్టార్ ఇమేజ్ సంపాదించారు. 1960-80ల మధ్య ఆయన హీరోగా అగ్రస్థానంలో నిలిచారు. 'షోలే', 'యాదోంకి బారాత్', 'సీతా ఔర్ గీత', 'మేరా గావ్ మేరా దేశ్', 'ధర్మ వీర్' వంటి హిట్ సినిమాలు ఆయన ఖ్యాతిని ఆకాశానికి చేర్చాయి. 1973 ఆయన కెరీర్లో అత్యంత లక్కీ ఇయర్గా నిలిచింది,ఒక్క ఏడాదిలోనే ఎనిమిది బ్లాక్బస్టర్లు అందుకున్నారు. 1987లో వరుసగా ఏడు సూపర్ హిట్స్ సాధించి అరుదైన రికార్డులు నెలకొల్పారు. ఒకే ఏడాదిలో తొమ్మిది హిట్ సినిమాల్లో నటించడం కూడా ఆయన ప్రత్యేకత. అప్పట్లో మూడు, నాలుగు షిఫ్టులలో పనిచేస్తూ సినిమాల్లో బిజీగా ఉండేవారు.
వివరాలు
'హీ మ్యాన్'గా ప్రసిద్ధి
ప్రారంభంలో రొమాంటిక్ పాత్రలతో ప్రేక్షకులను ఆకట్టుకున్న ధర్మేంద్ర, 1970 తర్వాత యాక్షన్ హీరోగా ప్రసిద్ధి చెందారు. 'షోలే' తర్వాత ఆయన స్టార్ స్థాయి మరింత పెరిగింది. డూప్ లేకుండా స్టంట్స్ చేయడం ఆయన ప్రత్యేకత. అందుకే అభిమానులు ఆయనను 'హీ మ్యాన్', 'యాక్షన్ కింగ్' అని పిలిచారు. ఇటీవల ఆయన జీవిత కథ ఆధారంగా బయోపిక్ తీసేందుకు ప్రయత్నాలు జరిగినప్పటికీ, ధర్మేంద్ర "నా పాత్రకు సమానంగా నటించగల నటుడు ఇప్పటివరకు కనిపించలేదు" అని వినయంగా తిరస్కరించారు.