నందినీ రెడ్డి, సమంత హ్యాట్రిక్ మూవీ: కీలక పాత్రలో డీజే టిల్లు ఫేమ్ సిద్ధు?
దర్శకురాలు నందినీ రెడ్డి, హీరోయిన్ సమంత మధ్య మంచి బాండింగ్ ఉంది. వీరిద్దరూ పర్సనల్ లైఫ్ లో మంచి స్నేహితులు. తన కష్టకాలంలో నందినీ రెడ్డి తనతో పాటే ఉందని సమంత ఆల్రెడీ తెలియజేసింది కూడా. ప్రస్తుతం వీరిద్దరి కాంబినేషన్ లో ఒక చిత్రం రాబోతుందని అంటున్నారు. ఇదివరకు జబర్తస్త్, ఓ బేబీ చిత్రాలను ప్రేక్షకులకు ముందుకు తీసుకువచ్చారు. ఇప్పుడు హ్యాట్రిక్ సినిమాను తీసుకొచ్చేందుకు రెడీ అవుతున్నారు. మరికొద్ది రోజుల్లో హ్యాట్రిక్ సినిమా విషయమై అధికారిక ప్రకటన వచ్చే అవకాశం ఉందని వినిపిస్తోంది. సమంత, నందినీ రెడ్డి కాంబినేషన్ మూవీలో స్టార్ బాయ్ సిద్ధు జొన్నలగడ్డ కీలక పాత్రలో కనిపించనున్నాడని చెబుతున్నారు.
లేడీ ఓరియంటెడ్ సినిమా
లేడీ ఓరియంటెడ్ సినిమాను నందినీ రెడ్డి తెరకెక్కిస్తుందనీ, అందులో సమంత ప్రధాన పాత్ర పోషిస్తుందని, మరో ముఖ్య పాత్రలో సిద్ధు జొన్నలగడ్డ నటిస్తారని చెప్పుకుంటున్నారు. ఈ సినిమా గురించి మరిన్ని విషయాలు తెలియాలంటే మరికొన్ని రోజులు ఆగాల్సిందే. ప్రస్తుతానికి అన్నీ మంచి శకునములే సినిమాను ప్రేక్షకుల మ్నుందుకు తీసుకువస్తోంది నందినీ రెడ్డి. మే 18న రిలీజ్ అవుతున్న ఈ సినిమాలో సంతోష్ శోభన్, మాళవికా నాయర్ హీరోహీరోయిన్లుగా నటిస్తున్నారు. మరోవైపు సమంత ఖుషి సినిమాలోనూ, సిటాడెల్ ఇండియన్ వెర్షన్ లో నటిస్తోంది. ఇకపోతే సిద్ధు జొన్నలగడ్డ, డీజే టిల్లు సీక్వెల్ లో నటిస్తున్నాడు.
