OTT Horror Thriller: కేవలం 19 రోజుల్లో షూటింగ్ పూర్తి.. క్లైమాక్స్తో మైండ్ బ్లాంక్ చేసే మలయాళ హారర్ థ్రిల్లర్ ఓటీటీలో!
ఈ వార్తాకథనం ఏంటి
వీకెండ్లో రెగ్యులర్ కమర్షియల్ సినిమాలకు భిన్నంగా, మైండ్ను పూర్తిగా ఛాలెంజ్ చేసే సైకలాజికల్ హారర్ థ్రిల్లర్ కోసం చూస్తున్నారా? అయితే మలయాళ కల్ట్ క్లాసిక్ 'చురుళి' (Churuli) మీకు బెస్ట్ ఛాయిస్. ప్రముఖ ఓటిటి వేదిక SonyLIVలో స్ట్రీమింగ్ అవుతున్న ఈ చిత్రం ప్రపంచవ్యాప్తంగా సినీ అభిమానులను తన ప్రత్యేక కథనం, విజువల్ ట్రీట్, షాకింగ్ క్లైమాక్స్తో ఆకట్టుకుంది. IMDbలో 7 రేటింగ్ సాధించిన ఈ సినిమా మొదటి సన్నివేశం నుంచి చివరి ఫ్రేమ్ వరకు ప్రేక్షకులను ఉత్కంఠలో ముంచెత్తుతుంది.
వివరాలు
కేవలం 19 రోజుల్లోనే షూటింగ్ పూర్తి
'చురుళి' నిర్మాణ విశేషాలే ఈ సినిమాపై ఆసక్తిని పెంచుతాయి. కోవిడ్ లాక్డౌన్కు ముందే కేరళలోని ఇడుక్కి జిల్లా కులమావు అటవీ ప్రాంతంలో ఈ చిత్రాన్ని తెరకెక్కించారు.
ఎలాంటి భారీ సెట్లు నిర్మించకుండా, పూర్తిగా సహజమైన లొకేషన్లలోనే అత్యంత రహస్యంగా షూటింగ్ నిర్వహించారు.
ఎవరికి పెద్దగా సమాచారం తెలియకుండా కేవలం 19 రోజుల్లోనే మొత్తం చిత్రీకరణను పూర్తి చేయడం విశేషం.
సహజ వాతావరణాన్ని అద్భుతంగా తెరపై ఆవిష్కరించి విజువల్గా ప్రేక్షకులను మరో ప్రపంచంలోకి తీసుకెళ్లే ప్రయత్నం చేశారు.
వివరాలు
కథ ఏమిటి?
సినిమా ప్రారంభంలో ఒక సాధువు, అడవిలో సంచరించే దెయ్యం గురించి జానపద కథను వాయిస్ ఓవర్ రూపంలో వినిపిస్తారు.
అక్కడి నుంచి కథ వర్తమానంలోకి మారుతుంది.
ఆంటోనీ, షాజీవన్ అనే ఇద్దరు అండర్కవర్ పోలీసులు పరారీలో ఉన్న ప్రమాదకర నేరస్థుడు జాయ్ ను పట్టుకునేందుకు 'చురుళి' అనే మారుమూల గ్రామానికి వెళ్తారు.
ఆ గ్రామంలోకి చేరాలంటే ఒక పాత చెక్క వంతెన దాటాల్సి ఉంటుంది. అయితే ఆ వంతెన దాటి గ్రామంలోకి అడుగుపెట్టిన తర్వాత వారి జీవితాలు పూర్తిగా మారిపోతాయి.
వివరాలు
వింత గ్రామం.. భయపెట్టే మనుషులు
చురుళి గ్రామంలో ఉన్న ప్రజలు, వారి ప్రవర్తన, అడవి వాతావరణం అన్నీ అసాధారణంగా, భయానకంగా కనిపిస్తాయి.
పగలు అమాయకంగా ఉండే గ్రామస్తులు, రాత్రి పడితే పూర్తిగా భిన్నంగా ప్రవర్తించడం ప్రారంభిస్తారు.
అంతేకాదు, జాయ్ను పట్టుకునేందుకు ఇంతకుముందు వెళ్లిన మరో పోలీస్ అధికారి కూడా అదే గ్రామంలో అదృశ్యమవుతాడు.
చివరికి పోలీసులు జాయ్ను పట్టుకున్నారా? ఆ గ్రామంలో అసలు జరుగుతున్న రహస్యం ఏమిటి? అడవి మాయాజాలం నుంచి వారు బయటపడగలిగారా? అన్నదే సినిమా అసలు కథ.
వివరాలు
లిజో జోస్ పెల్లిస్సేరి దర్శకత్వ ప్రతిభ
'జల్లికట్టు', 'అంగమలై డైరీస్', 'నన్ పకల్ నేరత్తు మయక్కమ్' వంటి విభిన్న చిత్రాలతో ప్రత్యేక గుర్తింపు పొందిన దర్శకుడు లిజో జోస్ పెల్లిస్సేరి ఈ చిత్రాన్ని తెరకెక్కించారు.
ఈ సినిమాలో వినయ్ ఫోర్ట్, చెంబన్ వినోద్ జోస్, జోజు జార్జ్, జాఫర్ ఇడుక్కి తమ అద్భుత నటనతో కథకు మరింత బలం చేకూర్చారు.
టెక్నికల్గా వరల్డ్ క్లాస్ మూవీ
'చురుళి'ని ప్రత్యేకంగా నిలబెట్టింది దాని సాంకేతిక నాణ్యత. డార్క్ కలర్ టోన్, భయాన్ని పెంచే సింగిల్-టేక్ కెమెరా షాట్లు, గూస్బంప్స్ తెప్పించే బ్యాక్గ్రౌండ్ సౌండ్ డిజైన్ సినిమాను అంతర్జాతీయ స్థాయికి తీసుకెళ్లాయి.
ప్రతి ఫ్రేమ్ ప్రేక్షకుడిలో అసౌకర్యాన్ని, ఉత్కంఠను కలిగించేలా రూపొందించారు.
వివరాలు
క్లైమాక్స్తో మైండ్ బ్లాంక్
ఈ సినిమా క్లైమాక్స్ సాధారణ ప్రేక్షకుడిని కూడా ఆలోచింపజేస్తుంది.
సైన్స్ ఫిక్షన్, టైమ్ లూప్ (కాలచక్రం), జానపద నమ్మకాలు, మానవ మనస్తత్వం వంటి అంశాలను కలిపి దర్శకుడు రూపొందించిన ముగింపు ప్రేక్షకులను తీవ్ర ఆశ్చర్యానికి గురి చేస్తుంది.
ఎందుకు చూడాలి?
హారర్, సస్పెన్స్, మిస్టరీ, సైకలాజికల్ థ్రిల్లర్ సినిమాలను ఇష్టపడే వారికి 'చురుళి' తప్పక చూడాల్సిన చిత్రం.
సాధారణ కథనానికి భిన్నంగా, కొత్త అనుభూతిని అందించే ఈ కల్ట్ క్లాసిక్ ప్రస్తుతం SonyLIVలో అందుబాటులో ఉంది.
తెలుగులో కూడా స్ట్రీమింగ్ అవుతున్నందున, ఈ వీకెండ్ ఇంట్లోనే కూర్చొని ఓ డిఫరెంట్ సినిమాటిక్ ఎక్స్పీరియన్స్ను ఆస్వాదించవచ్చు.