గ్యాంగ్ లీడర్ రీ రిలీజ్: ఈసారి కొత్త డేట్ తో వచ్చారు
ఈ వార్తాకథనం ఏంటి
టాలీవుడ్ లో రిలీజ్ లో సీజన్ నడుస్తున్న సంగతి తెలిసిందే. ఈ రీరిలీజ్ లకు మంచి కలెక్షన్లు వస్తుండడంతో చిత్ర నిర్మాతలు అప్పట్లో సంచలనం సృష్టించిన సినిమాలను థియేటర్లలోకి మళ్ళీ తీసుకొస్తున్నారు.
తాజాగా చిరంజీవి నటించిన గ్యాంగ్ లీడర్ సినిమాను రిలీజ్ చేసేందుకు రెడీ అవుతున్నారు. ఈ విషయమై ఆల్రెడీ ఇంతకు ముందు ప్రకటన వచ్చింది, కానీ సాంకేతిక కారణాల వల్ల రీరిలీజ్ ఆగిపోయింది.
ప్రస్తుతం గ్యాంగ్ లీడర్ చిత్రాన్ని రిలీజ్ చేస్తున్నామని ప్రకటించారు. చిరంజీవి సినిమా కెరీర్ 45 సంవత్సరాలు పూర్తి చేసుకున్న సందర్భంగా మార్చి 4వ తేదీన గ్యాంగ్ లీడర్ చిత్రాన్ని రిలీజ్ చేస్తున్నారు.
విజయ్ బాపినీడు దర్శకత్వం వహించిన గ్యాంగ్ లీడర్ చిత్రంలో విజయశాంతి హీరోయిన్ గా నటించింది.
గ్యాంగ్ లీడర్
మార్చి నెలలోనే రీ రిలీజ్ కి రెడీ అవుతున్న మగధీర
మార్చి 27వ తేదీన పుట్టినరోజును జరుపుకుంటున్నాడు రామ్ చరణ్. ఈ నేపథ్యంలో అభిమానులకు బహుమతిగా మగధీర సినిమాను రీ రిలీజ్ చేయాలని గీతా ఆర్ట్స్ ప్లాన్ చేసింది. ఈ మేరకు ట్విట్టర్ వేదికగా మగధీర రీ రిలీజ్ అవుతుందని ప్రకటించింది కూడా.
ఒకే నెలలో అటు తండ్రి మెగాస్టార్, ఇటు కొడుకు మెగా పవర్ స్టార్ చిత్రాలు రిలీజ్ అవుతుండడం అభిమానులకు ఎంతో ఆనందాన్నిస్తోంది.
ఇక్కడ మరో విషయం ఏంటంటే మార్చ్ నెలలోనే ఆస్కార్ అవార్డుల ప్రధానోత్సవం జరుగుతుంది. ఈ కార్యక్రమానికి ఆర్ఆర్ బృందం రామ్ చరణ్ హాజరవుతున్నారు. ఆర్ఆర్ఆర్ లోని నాటు నాటు పాట, ఉత్తమ పాట విభాగంలో నామినేషన్ లో చోటు దక్కించుకుంది.