డబ్బు చుట్టూ ముడిపడిన దోచేవారెవరురా చిత్రాన్ని తీసుకొస్తున్న గీతా ఆర్ట్స్
ఈ వార్తాకథనం ఏంటి
దోచేవారెవరురా అనే చిత్రాన్ని రేపు థియేటర్లలోకి తీసుకొస్తుంది గీతా ఆర్ట్స్ సంస్థ. డిస్ట్రిబ్యూటర్ గా తెలంగాణ, రాయ్ చూర్, కొప్పాల్, గోదావరి జిల్లా ప్రాంతాల్లో దోచేవారెవరురా చిత్రాన్ని రిలీజ్ చేస్తోంది గీతా ఆర్ట్స్.
మనీ, సిసింద్రీ, పట్టుకోండి చూద్దాం, మిస్టర్ అండ్ మిసెస్ శైలజా క్రిష్ణమూర్తి వంటి చిత్రాల దర్శకుడు శివ నాగేశ్వరరావు, ఈ చిత్రాన్ని తెరకెక్కించారు.
ప్రణవ్ చంద్ర, మాళవిక సతీషన్ హీరోహీరోయిన్లుగా నటిస్తున్న ఈ చిత్రం, డబ్బు చుట్టూ ముడిపడి నడుస్తుందని, ప్రస్తుత సమాజంలో అందరూ దోచుకుంటున్నారనీ, ఇంతకుముందు దోచుకునే వాళ్ళు తక్కువగా ఉండేవారనీ, ఈ మధ్య దోచుకునే వాళ్ళని మనమే సెలెక్ట్ చేసుకుంటున్నామనీ అన్నారు దర్శకులు శివనాగేశ్వర రావు.
తెలుగు సినిమా
500రూపాయల నోటు కోసం గోవాకు పయనం
హైదరాబాద్ లో మొదలైన కథ, గోవా లో క్లైమాక్స్ చేరుకుంటుందని చిత్ర ట్రైలర్ చూస్తే అర్థమయ్యింది. 500రూపాయల్లో ఏదో మతలబు ఉండడంతో, ఆ నోటు కోసం అందరూ కొట్టుకుంటున్నట్టుగా ఉంది.
బిత్తిరి సత్తి, అజయ్ ఘోష్ పాత్రలు కీలకంగా ఉన్నట్లు కనిపిస్తోంది. అది కూడా పూర్తి కామెడీ ప్రధానంగా ఉండనున్నాయని అర్థమవుతోంది.
ఫ్యామిలీ మొత్తం చూసే విధంగా హాయిగా నవ్వుకునే విధంగా సినిమా ఉంటుందని దర్శకుడు శివ నాగేశ్వర రావు చెప్పుకొచ్చారు. ఈ చిత్రాన్ని బొడ్డూ కొటేశ్వర రావు నిర్మించారు.
రొమాంటిక్ థ్రిల్లర్ గా సాగే ఈ చిత్రంలో కావాల్సినంత కామెడీ ఉంటుందట. మరి సీనియర్ దర్శకుడు తీసిన ఈ చిత్రం, రేపు ప్రేక్షకుల నుండి ఎలాంటి రెస్పాన్స్ తెచ్చుకుంటుందో చూడాలి.