HHVM : పవన్ కళ్యాణ్ అభిమానులకు గుడ్ న్యూస్.. హరిహర వీరమల్లు ఉచిత ప్రదర్శనలు!
ఈ వార్తాకథనం ఏంటి
పవర్ స్టార్ పవన్ కళ్యాణ్ నటించిన భారీ బడ్జెట్ పౌరాణిక చిత్రంగా హరిహర వీరమల్లు ఇటీవల థియేటర్లలో విడుదలైంది. ఈ చిత్రానికి ఏఎం జ్యోతికృష్ణ దర్శకత్వం వహించారు. నిధి అగర్వాల్ హీరోయిన్‌గా నటించిన ఈ సినిమాను మెగా సూర్య ప్రొడక్షన్స్ బ్యానర్‌పై ఏఎం రత్నం నిర్మించారు. మూడు రోజుల క్రితం విడుదలైన ఈ చిత్రం మొదటిరోజు నుంచే మిక్స్‌డ్ రెస్పాన్స్‌ను సొంతం చేసుకుంది. అయితే, ఆంధ్రప్రదేశ్‌లోని ఉత్తరాంధ్ర, తూర్పుగోదావరి వంటి ప్రాంతాల్లో ఈ చిత్రం ఆల్ టైమ్ రికార్డు స్థాయిలో గ్రాస్ రాబట్టి మంచి ఓపెనింగ్స్ అందుకుంది. ఇక నేడు ఆంధ్రప్రదేశ్‌లోని పలు నియోజకవర్గాల్లో ఈ సినిమాను ఉచితంగా ప్రదర్శించనున్నారు.
Details
విద్యార్థుల కోసం ఫ్రీ షోలు
జనసేన పార్టీకి చెందిన ఎమ్మెల్యేలు తమ తమ నియోజకవర్గాల్లో విద్యార్థుల కోసం ఈ ఫ్రీ షోలను ఏర్పాటు చేస్తున్నారు. రాజానగరం నియోజకవర్గానికి చెందిన ఎమ్మెల్యే బత్తుల బలరామ కృష్ణ ఆధ్వర్యంలో ఈ కార్యక్రమం కొనసాగుతుంది. రాజానగరం పరిధిలోని మూడు మండలాల ప్రభుత్వ పాఠశాలలు, కళాశాలలలో చదివే 9వ, 10వ తరగతులు, ఇంటర్, డిగ్రీ విద్యార్థులకు ఈ రోజు ఉచితంగా సినిమా చూపించనున్నారు. సీతానగరంలోని గీత సినిమాస్‌లో అలాగే కోరుకొండలోని రామకృష్ణ థియేటర్‌లో ఈ ఉచిత ప్రదర్శనలు జరుగనున్నాయి.
Details
మరికొన్ని ప్రాంతాల్లో ఉచితంగా వీరమల్లు
భారతీయ చరిత్ర, సంస్కృతి వంటి అంశాలను ఈ తరం విద్యార్థులకు పరిచయం చేయాలన్న ఉద్దేశంతో హరిహర వీరమల్లు సినిమాను ప్రదర్శిస్తున్నట్టు సమాచారం. రాజానగరం మాత్రమే కాకుండా, రాష్ట్రంలోని మరికొన్ని ప్రాంతాల్లో కూడా ఈరోజు ఉచితంగా వీరమల్లు ప్రదర్శించనున్నారు. జూలై 24న విడుదలైన ఈ చిత్రం పవన్ కల్యాణ్‌ డిప్యూటీ సీఎం అయిన తరువాత విడుదలైన తొలి సినిమా కావడం విశేషం.