సాయి పల్లవి బర్త్ డే: కంగనా రనౌత్ కు చెల్లెలిగా సాయిపల్లవి నటించిందని మీకు తెలుసా?
ఈ వార్తాకథనం ఏంటి
హీరోయిన్లలో సాయిపల్లవి రూటే సెపరేటు. దానికి ఆమె సినిమాలే సాక్ష్యం. తెలుగులో ఆమె మొదటి సినిమా ఫిదా నుండి మొన్న రిలీజైన విరాటపర్వం వరకూ ఆమె చేసిన ప్రతీ సినిమా ప్రత్యేకంగా ఉంటుంది.
అందుకే హీరోయిన్లు అందరిలోకి ఆమె ప్రత్యేకంగా నిలిచింది. ఈరోజు ఆమె పుట్టినరోజు. ఈ సందర్భంగా ఆమె జీవితంలోని కొన్ని విషయాలు మాట్లాడుకుందాం.
హీరోయిన్ గా కంటే ముందు డాన్స్ ప్రోగ్రామ్స్ లో కనిపించింది సాయి పల్లవి. ఈటీవీలో ప్రసారమైన ఢీ లేడీస్ స్పెషల్ ప్రోగ్రామ్ లో సాయిపల్లవి పార్టిసిపేట్ చేసింది. అయితే చాలామందికి తెలియని విషయం ఏంటంటే, కంగనా రనౌత్ నటించిన సినిమాలో సాయి పల్లవి యాక్ట్ చేసింది.
Details
కంగనాకు చెల్లిలిగా సాయి పల్లవి
కంగనా రనౌత్ సినిమాలో సాయి పల్లవి నటించడం ఏంటని చాలామందికి ఆశ్చర్యం కలగడం సహజం. 2008లో రిలీజైన ధామ్ ధూమ్ చిత్రంలో కంగనా రనౌత్ కు చెల్లిలిగా సాయి పల్లవి కనిపించింది.
జీవా దర్శకత్వంలో తెరకెక్కిన ఈ చిత్రంలో జయం రవి, లక్ష్మీ రాయ్, కంగనా రనౌత్ ప్రధాన పాత్రల్లో మెరిసారు. ఇందులో కంగనాకు చెల్లిలిగా ఒకానొక సీన్ లో సాయి పల్లవి కనిపిస్తుంది.
ఈ విషయాన్ని ఒకానొక ఇంటర్వ్యూలో బయటపెట్టిన సాయి పల్లవి, అప్పట్లో స్కూలుకు వెళ్ళబుద్ధి కాక రెండు రోజులు షూటింగుకు వెళ్లానని చెప్పుకొచ్చింది. అంతేకాదు, బాలనటిగా కస్తూరి మాన్ అనే తమిళ చిత్రంలోనూ కనిపించింది సాయి పల్లవి.