మోడలింగ్ పేరుతో మోసం చేసి 15లక్షలు కాజేసిన బాలీవుడ్ భార్యాభర్తలు
ఈ వార్తాకథనం ఏంటి
బాలీవుడ్ లో పలు సినిమాల్లో నటించిన అపూర్వా అశ్విన్ అలియాస్ అర్మాన్ అర్జున్ కపూర్, ఇంకా అతని భార్య నటాషా కపూర్ అలియాస్ నజీష్ మీమన్ హైదరాబాద్ లో అరెస్ట్ అయ్యారు.
మోడలింగ్ లో అవకాశాలు ఇప్పిస్తామని, బడా వ్యాపారవేత్తల నుండి డబ్బులు లాగేసుకుని మోసం చేసినందుకు సైబరాబాద్ పోలీసులు, వీళ్ళిద్దరిని సోమవారం అరెస్ట్ చేసారు.
సైబరాబాద్ డీఎస్పీ కల్మేశ్వర్ సింగేశ్వర్ చెప్పిన వివరాల ప్రకారం, బిస్కట్ కంపెనీ యాడ్ షూటింగ్ లో అవకాశం ఇప్పిస్తామంటూ నిందితుల నుండి 14.12లక్షలు వసూలు చేసారట.
ఆ తర్వాత యాడ్ గురించి ఎలాంటి సమాచారం అందివ్వకపోవడం, డబ్బులు తిరిగి ఇవ్వకపోవడంతో తాను మోసపోయానని అర్థం చేసుకుని నిందితుడు పోలీసులను ఆశ్రయించాడని డీఎస్పీ చెప్పుకొచ్చారు.
బాలీవుడ్
షాపింగ్ మాల్ వేదికగా ఎర వేసిన బాలీవుడ్ యాక్టర్స్
మహారాష్ట్రకి చెందిన అపూర్వా అశ్విన్, నటాషా కపూర్.. హైదరాబాద్ లో పాగా వేసి పలు మోసాలకు పాల్పడుతున్నారు.
హైదరాబాద్ లోని షాపింగ్ మాల్స్ వేదికగా ర్యాంప్ షోలు నిర్వహిస్తున్న ఈ మోసగాళ్ళు, మాల్ కి వచ్చిన వారిలోంచి కొందరిని సెలెక్ట్ చేసి, ప్రముఖ బిజినెస్ కంపెనీల ప్రమోషన్లకు మోడల్ గా సెలెక్ట్ అయినట్లు చెబుతున్నారు.
ప్రస్తుత కేసులో నిందితుడికి అలానే జరిగిందని, ర్యాంప్ షోలో ఒకమ్మాయిని సెలెక్ట్ చేసి, వాళ్ల తండ్రి నుండి ముందుగా 3.25లక్షలు అడిగారట. ఆ తర్వాత 10.87లక్షలు ఇవ్వమన్నారట.
ఈ మోసగాళ్ళిద్దరినీ అరెస్ట్ చేసిన పోలీసులు, వారి నుండి 15.60లక్షల క్యాష్, నాలుగు మొబైల్ ఫోన్లు, ఒక ల్యాప్ టాప్ స్వాధీనం చేసుకున్నారు.