ఆదిపురుష్ ప్రీ రిలీజ్ ఈవెంట్ లో ప్రత్యేక ఆకర్షణగా 50అడుగుల ప్రభాస్ హోలోగ్రాఫిక్ ఇమేజ్
ఈ వార్తాకథనం ఏంటి
రామాయణ కథను వెండితెర మీద దృశ్యకావ్యంగా ప్రేక్షకులకు చూపించడానికి ఆదిపురుష్ సినిమాతో దర్శకుడు ఓం రౌత్ వస్తున్నాడు.
ప్రభాస్ రాముడిగా నటిస్తున్న ఈ సినిమా మీద అంచనాలు టాప్ లెవెల్లో ఉన్నాయి. ఆదిపురుష్ ప్రీ రిలీజ్ ఈవెంట్ మరికాసేపట్లో మొదలు కానుంది.
తిరుపతిలో శ్రీవెంకటేశ్వర విశ్వవిద్యాలయం మైదానంలో జరుగుతున్న ఈ ఈవెంట్ లో అనేక ఆసక్తికర విషయాలు ఉన్నాయి.
మొదటగా, ఈ కార్యక్రమానికి ముఖ్య అతిథిగా ప్రముఖ ఆధ్యాత్మిక గురువు చినజీయర్ స్వామీజీ విచ్చేస్తున్నారు.
ఈ ఈవెంట్లో 50అడుగుల పొడవైన ప్రభాస్ హోలోగ్రాఫిక్ ఇమేజ్ ని ప్రదర్శించనున్నారు. ఈ నేపథ్యంలో ఆల్రెడీ ఏర్పాట్లు పూర్తయ్యాయి.
Details
ఈవెంట్ కి దర్శకత్వం వహిస్తున్న ప్రశాంత్ వర్మ
ప్రీ రిలీజ్ ఈవెంట్ వేదికపై వంద మంది సింగర్స్, వందమంది డ్యాన్సర్స్ ఆడిపాడి అలరించనున్నారు. ఈవెంట్ ని చూడడానికి లక్షమంది వస్తారని అంచనా వేస్తున్నారు. అందుకు తగ్గట్లుగానే ఏర్పాట్లు జరుగుతున్నాయట.
ఆదిపురుష్ ప్రీ రిలీజ్ ఈవెంట్ ని దర్శకుడు ప్రశాంత్ వర్మ దగ్గరుండి మరీ చూసుకుంటున్నాడు. ప్రశాంత్ వర్మ దర్శకత్వంలో ప్రీ రిలీజ్ ఈవెంట్ జరుగుతుంది.
అదలా ఉంచితే, ఈ ప్రోగ్రామ్ కోసం ప్రభాస్ ఆల్రెడీ తిరుపతి చేరుకున్నాడు. తిరుమల తిరుపతి వెంకటేశ్వర స్వామి దర్శనం కూడా చేసుకున్నాడు.
సాంప్రదాయ వస్త్రధారణలోని ప్రభాస్ ఫోటోలు ఇంటర్నెట్ లో వైరల్ అవుతున్నాయి.
టీ సిరీస్, రెట్రో ఫైల్స్ బ్యానర్లు సంయుక్తంగా నిర్మించిన ఈ సినిమా, జూన్ 16వ తేదీన ప్రపంచ వ్యాప్తంగా విడుదల అవుతుంది.