రామ్ చరణ్ ని ఫాలో ఐపోతున్న ఎన్టీఆర్: చిన్న సినిమాల కోసం ప్రొడక్షన్ హౌజ్?
ఈ వార్తాకథనం ఏంటి
ఆర్ఆర్ఆర్ సినిమాతో ప్రపంచ వ్యాప్తంగా గుర్తింపు తెచ్చుకున్న హీరోలు, ఇప్పుడు తమ తమ సినిమాల్లో బిజీగా ఉన్నారు.
శంకర్ దర్శకత్వంలో గేమ్ ఛేంజర్ సినిమాతో రామ్ చరణ్ బిజీగా ఉంటే, కొరటాల శివ దర్శకత్వంలో దేవర సినిమాతో బిజీగా ఉన్నాడు జూనియర్ ఎన్టీఆర్.
అయితే తాజాగా వీరిద్దరి అడుగులు ఒకేవైపు పడుతున్నట్లుగా కనిపిస్తోంది. యూవీ క్రియేషన్స్ విక్రమ్ తో కలిసి వీ మెగా పిక్చర్స్ పేరుతో ప్రొడక్షన్ హౌజ్ మొదలెట్టాడు రామ్ చరణ్.
ఈ సంస్థలో నిఖిల్ హీరోగా ది ఇండియా అనే పాన్ ఇండియా ప్రకటన కూడా వచ్చింది. ప్రస్తుతం ఎన్టీఆర్ కూడా ప్రొడక్షన్ హౌజ్ ని స్టార్ట్ చేసే ఉద్దేశ్యంలో ఉన్నాడని వినిపిస్తోంది.
Details
ప్రొడక్షన్ హౌజ్ లో కళ్యాణ్ రామ్ కు భాగస్వామ్యం
ఎన్టీఆర్ మొదలెట్టబోయే ప్రొడక్షన్ హౌజ్ లో అన్న కళ్యాణ్ రామ్ కు భాగస్వామ్యం ఉండనుందని వినిపిస్తోంది. కళ్యాణ్ రామ్ కు ఆల్రెడీ ఎన్టీఆర్ ఆర్ట్స్ పేరుతో ఓ బ్యానర్ ఉంది.
ఇప్పుడు తారక్ తో కలిసి కొత్తది మొదలెట్టాలని అనుకుంటున్నారట. కొత్త బ్యానర్ లో చిన్న సినిమాలకు అధిక ప్రాధాన్యం ఉండనుందనీ, కాన్సెప్ట్ బేస్డ్ సినిమాలు వస్తాయని అంటున్నారు. మరి ఈ విషయమై అధికారిక సమాచారం ఎప్పుడు వస్తుందో చూడాలి.
అదలా ఉంచితే, ఎన్టీఆర్ ప్రస్తుతం దేవర సినిమాలో నటిస్తున్నాడు. ఈ సినిమాలో హీరోయిన్ గా బాలీవుడ్ భామ, శ్రీదేవి తనయ జాన్వీ కపూర్ నటిస్తోంది. దేవర సినిమాలో బాలీవుడ్ నటుడు సైఫ్ ఆలీ ఖాన్ విలన్ గా కనిపిస్తున్నాడు.