Kajal Aggarwal: కాజల్‌ని పక్కన పెట్టిన రామాయణం టీమ్
ఈ వార్తాకథనం ఏంటి
భారీ సినిమాల్లో చిన్న పాత్రలో కనిపించినా సరే.. ఆ సినిమా ప్రమోషన్లలో భాగమవ్వాలని చాలామంది నటీనటులు కోరుకుంటారు. కానీ ప్రస్తుతం భారతీయ సినీ పరిశ్రమలో చర్చనీయాంశంగా మారిన రామాయణ విషయంలో మాత్రం ఓ ఆసక్తికరమైన ప్రశ్న తెరపైకి వచ్చింది. ఈ సినిమాలో కీలక పాత్రలో నటిస్తున్నట్లు ప్రచారం జరిగిన కాజల్‌ అగర్వాల్‌ పేరు ప్రమోషన్లలో ఎక్కడా వినిపించకపోవడం అభిమానుల్లో సందేహాలు రేకెత్తిస్తోంది. అసలు ఆమె ఈ ప్రాజెక్టులో ఉందా? లేక ఆమె పాత్రకు సంబంధించిన సన్నివేశాలను తొలగించారా? ప్రస్తుతం దీనిపై సోషల్‌ మీడియాలో చర్చ జరుగుతోంది.
Details
ప్రమోషన్లలో కనిపించని కాజల్‌.. ఏమైంది?
నితేశ్‌ తివారీ దర్శకత్వంలో తెరకెక్కుతున్న రామాయణ భారీ అంచనాలతో రూపొందుతోంది.
రణ్‌బీర్‌ కపూర్‌, సాయిపల్లవి, యశ్‌ ప్రధాన పాత్రల్లో నటిస్తున్నారు. సన్నీ డియోల్‌, రకుల్‌ ప్రీత్‌ సింగ్‌ వంటి నటీనటులు కూడా ఈ ప్రాజెక్టులో భాగమయ్యారు.
సినిమా గురించి ప్రేక్షకుల్లో ఆసక్తి పెంచేందుకు చిత్రబృందం వివిధ కార్యక్రమాల్లో పాల్గొంటోంది.
అయితే ఈ హడావుడిలో కాజల్‌ అగర్వాల్‌ మాత్రం కనిపించకపోవడం చర్చకు కారణమైంది. టీజర్లు, ప్రచార కార్యక్రమాల్లోనూ ఆమె జాడ కనిపించకపోవడంతో అసలు విషయం ఏమిటనే ప్రశ్నలు వినిపిస్తున్నాయి.
గతంలో ఈ సినిమాలో తాను చిన్న పాత్రలో నటిస్తున్నట్లు కాజల్‌ స్వయంగా వెల్లడించినట్లు వార్తలు వచ్చాయి. ఆమె రావణుడి భార్య మండోదరిగా కనిపించనున్నారనే ప్రచారం కూడా జరిగింది.
Details
పాత్ర చిన్నదా.. ఎడిటింగ్‌లో తొలగించారా?
కాజల్‌ ప్రమోషన్లకు దూరంగా ఉండటానికి ఆమె పాత్ర నిడివి తక్కువగా ఉండటమే కారణమా? లేక సినిమా ఎడిటింగ్‌ సమయంలో ఆమె సన్నివేశాలను తొలగించారా? అనే సందేహాలు వ్యక్తమవుతున్నాయి.
అయితే వీటిలో ఏ అంశానికీ ఇప్పటివరకు అధికారిక ధ్రువీకరణ లేదు. కేవలం ప్రమోషన్లలో కనిపించలేదనే కారణంతో ఆమె పాత్రను తొలగించారని నిర్ణయించలేం.
Details
అధికారిక ప్రకటన కోసం ఎదురుచూపులు
భారీ తారాగణంతో రూపొందుతున్న రామాయణపై ప్రతి చిన్న సమాచారం ప్రేక్షకుల్లో ఆసక్తిని పెంచుతోంది.
అలాంటి సమయంలో కాజల్‌ పాత్రపై స్పష్టత లేకపోవడం చర్చకు దారితీసింది.
చిత్రబృందం నుంచి అధికారిక ప్రకటన వస్తేనే ఈ సందేహాలకు సమాధానం దొరుకుతుంది.