Loading...
హోమ్ / వార్తలు / అంతర్జాతీయం వార్తలు / Paris: ప్యారిస్ శివార్లలో కాల్పుల కలకలం.. ఒకరు మృతి, నలుగురికి తీవ్ర గాయాలు
Paris: ప్యారిస్ శివార్లలో కాల్పుల కలకలం.. ఒకరు మృతి, నలుగురికి తీవ్ర గాయాలు
ప్యారిస్ శివార్లలో కాల్పుల కలకలం.. ఒకరు మృతి, నలుగురికి తీవ్ర గాయాలు

Paris: ప్యారిస్ శివార్లలో కాల్పుల కలకలం.. ఒకరు మృతి, నలుగురికి తీవ్ర గాయాలు

వ్రాసిన వారు Sirish Praharaju
Oct 23, 2026
05:48 pm
ఈ వార్తాకథనం ఏంటి

ఫ్రాన్స్ రాజధాని పారిస్ సమీపంలో కాల్పుల ఘటన కలకలం రేపింది. ఈ ఘటనలో ఒకరు ప్రాణాలు కోల్పోగా, మరో నలుగురు తీవ్రంగా గాయపడ్డారు. ఈ విషయాన్ని ఫ్రాన్స్ ప్రధాని సెబాస్టియన్ లెకోర్ను ధ్రువీకరించారు. కాల్పులకు పాల్పడిన నిందితుడిని పోలీసులు అదుపులోకి తీసుకుని కస్టడీకి తరలించినట్లు ఆయన 'ఎక్స్‌' వేదికగా వెల్లడించారు. ప్యారిస్‌కు పశ్చిమంగా సుమారు 20 మైళ్ల దూరంలో ఉన్న యెవెలైన్స్ డిపార్ట్‌మెంట్ పరిధిలో ఈ ఘటన చోటుచేసుకుంది. ట్రాపెస్, లా వెరియర్ ప్రాంతాల్లో ఓ వ్యక్తి తన కారులో నుంచి ప్రజలపై కాల్పులు జరిపినట్లు ట్రాపెస్ మేయర్ అలీ రబే తెలిపారు. ఈ దాడికి గల కారణాలు ఇంకా తెలియరాలేదని, వాటిపై దర్యాప్తు కొనసాగుతోందని పేర్కొన్నారు.

వివరాలు 

నిందితుడిపై నాలుగు అభియోగాలు నమోదు

ఈ ఘటనపై ఫ్రాన్స్ యాంటీ టెర్రరిజం ప్రాసిక్యూటర్ కార్యాలయం కీలక వివరాలను వెల్లడించింది.

అరెస్టయిన నిందితుడిపై హత్య, అక్రమంగా ఆయుధాలు కలిగి ఉండటం సహా మొత్తం నాలుగు అభియోగాలు నమోదు చేసినట్లు తెలిపింది.

జాతి, తెగ లేదా మతం ఆధారంగా ఈ దాడి జరిగి ఉండవచ్చనే అనుమానంతోనూ కేసు నమోదు చేసి దర్యాప్తు చేస్తున్నట్లు స్పష్టం చేసింది.

ప్రస్తుతం నిందితుడిని అధికారులు విచారిస్తున్నారు. గాయపడిన నలుగురిని ఆసుపత్రికి తరలించి చికిత్స అందిస్తున్నారు.

ట్విట్టర్ పోస్ట్ చేయండి

ఫ్రాన్స్‌లో కాల్పుల కలకలం..  

ADVERTISEMENT