ఓటీటీలోకి వస్తున్న కళ్యాణ్ రామ్ అమిగోస్, స్ట్రీమింగ్ ఎప్పుడు? ఎక్కడ?
ఈ వార్తాకథనం ఏంటి
బింబిసార సినిమాతో కెరీర్ లో అతిపెద్ద బ్లాక్ బస్టర్ అందుకున్న కళ్యాణ్ రామ్, తన తర్వాతి చిత్రంగా అమిగోస్ ని తీసుకొచ్చాడు. ఫిబ్రవరి 10వ తేదీన థియేటర్లలో రిలీజైన అమిగోస్, డిజాస్టర్ టాక్ సొంతం చేసుకుంది. ప్రస్తుతం ఈ చిత్రం ఓటీటీ విడుదలకు సిద్ధం అవుతోంది. ఏప్రిల్ 1వ తేదీ నుండి నెట్ ఫ్లిక్స్ లో అమిగోస్ స్ట్రీమింగ్ ఉంటుందని అంటున్నారు. ఈ విషయమై అధికారికంగా సమాచారం రానప్పటికీ ఏప్రిల్ 1నుండి అందుబాటులోకి వస్తుందని చెప్పుకుంటున్నారు. డాపెల్ గ్యాంగర్ అనే కొత్త కాన్సెప్ట్ తో వచ్చిన థ్రిల్లర్ మూవీ అమిగోస్, తెలుగు ప్రేక్షకులకు పెద్దగా ఎక్కలేదు. దాంతో సినిమా ఫలితం తేడా కొట్టింది.
కళ్యాణ్ రామ్
అమిగోస్ పోయినా కళ్యాణ్ రామ్ కి పేరొచ్చింది
రాజేంద్ర రెడ్డి అనే కొత్త దర్శకుడు రూపొందించిన అమిగోస్ సినిమాలో త్రిపాత్రాభినయంలో కనిపించారు కళ్యాణ్ రామ్. మూడు షేడ్స్ లో కళ్యాణ్ రామ్ విభిన్నంగా కనిపించారు. అందులో విలన్ గా కనిపించిన పాత్ర, అందరి దృష్టిని ఆకర్షించింది. అమిగోస్ సినిమా అపజయం పాలైన కానీ కళ్యాణ్ రామ్ నటనకు మాత్రం మంచి గుర్తింపు వచ్చింది. మూడు పాత్రల్లో నటించడం పెద్ద సవాలు. అలాంటి సవాలును అవలీలగా పూర్తి చేసిన కళ్యాణ్ రామ్ కి మంచి ప్రశంసలు దక్కాయి. మైత్రీ మూవీ మేకర్స్ నిర్మాణంలో రూపొందిన ఈ చిత్రంలో కన్నడ బ్యూటీ అషికా రంగనాథ్ హీరోయిన్ గా కనిపించింది. ఇదే ఆమెకు తొలి తెలుగు చిత్రం. ఈ సినిమాకు సంగీతం, గిబ్రాన్ అందించాడు.