బాలయ్య పాటల రీమేక్: అప్పుడు పటాస్ లో మాస్ సాంగ్, ఇప్పుడు అమిగోస్ లో రొమాంటిక్ సాంగ్
ఈ వార్తాకథనం ఏంటి
నందమూరి కళ్యాణ్ రామ్ మంచి ఫామ్ లో ఉన్నారు. చాలారోజుల తర్వాత బింబిసార సినిమాతో మంచి విజయం దక్కించుకున్నారు. కళ్యాణ్ రామ్ కెరీర్లోనే ఎక్కువ వసూళ్ళు సాధించిన చిత్రంగా నిలిచింది బింబిసార.
ప్రస్తుతం కళ్యాణ్ రామ్ నుండి మరో మూవీ వస్తోంది. అమిగోస్ పేరుతో రూపొందిన ఈ మూవీ ఫిబ్రవరి 10వ తేదీన విడుదలకు సిద్ధం అవుతోంది.
అమిగోస్ టీజర్ ప్రేక్షకులను బాగా ఆకట్టుకుంది. థ్రిల్లర్ గా సాగనున్న ఈ సినిమాలో త్రిపాత్రాభినయం చేస్తున్నారు కళ్యాణ్ రామ్. ఈ సినిమాలో బాలయ్య పాటను రీమిక్స్ చేస్తున్నారు.
ఆల్రెడీ ఈ పాట ప్రోమోను రిలీజ్ చేసారు. ఎన్నో రాత్రులొస్తాయి గానీ అంటూ సాగే పాట, బాలయ్య నటించిన ధర్మక్షేత్రం సినిమాలోనిది.
కళ్యాణ్ రామ్
పాట విడుదల ఆలస్యం కావడానికి అసలు కారణం ఏంటంటే
1992లో బాలయ్య, దివ్యభారతి హీరోహీరోయిన్లుగా ధర్మక్షేత్రం మూవీ రిలీజైంది. అదలా ఉంచితే, అమిగోస్ సినిమా నుండి రిలీజైన ఈ పాట ప్రోమోకు ప్రేక్షకుల నుండి మంచి స్పందన వచ్చింది.
గతంలో పటాస్ సినిమాలో "అరె ఓ సాంబా" అనే పాటను బాలకృష్ణ నటించిన లారీ డ్రైవర్ నుండి తీసుకున్నాడు.
అదలా ఉంటే ప్రస్తుతం అమిగోస్ సినిమాలోని పాట ఇంకా విడుదల కాలేదు. నిజానికి నిన్న రిలీజ్ చేస్తామని ప్రోమోలో ప్రకటించారు. కానీ పాట మాత్రం రిలీజ్ అవలేదు.
తారకరత్న ఆరోగ్యం బాలేకపోవడంతో రిలీజ్ చేయడం ఆపేసి ఉంటారని సోషల్ మీడీయాలో వినిపిస్తోంది. రాజేంద్ర రెడ్డి దర్శకత్వం వహిస్తున్న ఈ సినిమాలో అషికా రంగనాథ్ హీరోయిన్ గా చేస్తుంది.