మైత్రీ మూవీ మేకర్స్ ఖాతాలో మూడో హిట్ గా కళ్యాణ్ రామ్ చిత్రం నిలవనుందా?
ఈ వార్తాకథనం ఏంటి
మైత్రీ మూవీ మేకర్స్.. తెలుగు సినిమా ఇండస్ట్రీలో వరుసగా విజయాలు అందుకుంటున్న నిర్మాణ సంస్థ. ఈ సంక్రాంతికి రెండు పెద్ద సినిమాలను ప్రేక్షకుల ముందుకు తీసుకొచ్చి మంచి విజయం అందుకుంది.
తాజాగా మైత్రీ ఖాతాలో మరో ప్రాఫిట్ వెంచర్ చేరబోతుందని సమాచారం. ఆ ప్రాఫిట్ వెంచర్ కళ్యాణ్ రామ్ నటించిన "అమిగోస్" అని అంటున్నారు.
ఈ సినిమా టీజర్ ఈ మధ్యే విడుదలైంది. ఇందులో కళ్యాణ్ రామ్ త్రిపాత్రాభినయం చేస్తున్నారు.
తాజా సమాచారం ప్రకారం, అమిగోస్ చిత్రానికి మంచి బిజినెస్ జరుగుతోందని అంటున్నారు. కళ్యాణ్ రామ్ కెరీర్లో పెద్ద హిట్ గా నిలిచిన బింబిసార తర్వాత వస్తున్న సినిమా కావడంతో, బిజినెస్ బాగా జరుగుతోందని తెలుస్తోంది.
తెలుగు సినిమా
సినిమాకు పెట్టిన పెట్టుబడి కంటే ఎక్కువ బిజినెస్ జరుగుతుందని వార్తలు
అమిగోస్ టీజర్ కి ప్రేక్షకుల నుండి మంచి స్పందన వచ్చింది. దాంతో నాన్ థియేట్రికల్ రైట్స్ ఓ రేంజ్ లో అమ్ముడుపోయాయని టాక్. ఇప్పటికే సినిమాకు పెట్టిన డబ్బు వచ్చేసినట్లు చెప్పుకుంటున్నారు.
నాన్ థియేట్రికల్ రైట్స్ తోనే సినిమాకు లాభాలు వచ్చేస్తున్నాయని చెప్పుకుంటున్నారు. ఇది నిజమైతే మైత్రీ మూవీ మేకర్స్ ఖాతాలో మరో మంచి విజయం చేరినట్టే అవతుంది.
అమిగోస్ చిత్రాన్ని రాజేంద్ర రెడ్డి డైరెక్ట్ చేసారు. ఒకేలా ఉండే ముగ్గురు మనుషులు ఒకచోట ఎందుకు కలవాల్సి వచ్చింది, వాళ్ళు అలా ఉంటే వచ్చే ఇబ్బందులేమిటి అన్నది సినిమాలో చూపిస్తున్నట్టు టీజర్ చూస్తే అర్థమవుతోంది.
గిబ్రాన్ మ్యూజిక్ అందించిన ఈ సినిమాను, ఫిబ్రవరి 10వ తేదీన ప్రపంచ వ్యాప్తంగా విడుదల చేస్తున్నారు.