బాహుబలిని ఫాలో అవుతున్న పొన్నియన్ సెల్వన్.. రెండో భాగం విడుదల తేదీ ప్రకటన
ఈ వార్తాకథనం ఏంటి
బాహుబలి సినిమాతో దేశంలో పెద్ద సంచలనం చెలరేగింది. పెద్ద బడ్జెట్ సినిమాలు కూడా వర్కౌట్ అవుతాయని చూపించిన సినిమా అది. అందుకే అప్పటి నుండి అన్ని ఇండస్ట్రీల్లోనూ అలాంటి ప్రయోగాలు జరుగుతున్నాయి.
అలా వచ్చిన సినిమానే పొన్నియన్ సెల్వన్. దిగ్గజ దర్శకుడు మణిరత్నం తెరకెక్కించిన ఈ సినిమా మొదటి భాగం ఈ సంవత్సరం విడుదలై తమిళంలో మంచి విజయం అందుకుంది.
ఇతర భాషల్లో అనుకున్నంత గుర్తింపు పొందలేకపోయినప్పటికీ కమర్షియల్ గా సక్సెస్ అయ్యింది. కల్కి కృష్ణమూర్తి రాసిన నవల ఆధారంగా ఈ చిత్రాన్ని రూపొందించారు.
విక్రమ్, ఐశ్వర్యరాయ్, కార్తీ, జయం రవి, త్రిష ప్రధాన పాత్రల్లో కనిపించారు. ప్రస్తుతం పొన్నియన్ సెల్వన్ 2 విడుదల తేదీని ప్రకటించారు.
పొన్నియన్ సెల్వన్ 2
బాహుబలి రిలీజ్ తేదీ రోజే రెండవ భాగం విడుదల
పొన్నియన్ సెల్వన్ 2 రెండవ భాగాన్ని 2023 ఏప్రిల్ 28వ తేదీన రిలీజ్ చేస్తున్నట్లు అధికారికంగా ప్రకటిస్తూ చిన్న గ్లింప్స్ ని విడుదల చేసింది లైకాస్ ప్రోడక్షన్స్.
చోళులు వస్తున్నారంటూ వీడియో బైట్ ని రిలీజ్ చేసి విడుదల తేదీని ప్రకటించారు. ఈ విషయమై సోషల్ మీడియాలో ఆసక్తికరమైన చర్చ జరుగుతోంది.
బాహుబలి 2 రిలీజ్ అయిన ఏప్రిల్ 28వ తేదీనే ఈ సినిమాని రిలీజ్ చేస్తున్నారని మాట్లాడుకుంటున్నారు. ఏప్రిల్ 28వ తేదీన విడుదలైన బాహుబలి 2 దాదాపు 2వేల కోట్ల కలెక్షన్లు సాధించింది.
మరి ఆ తేదీ సెంటిమెంట్ వర్కౌట్ అయ్యి పొన్నియన్ సెల్వన్ 2 కూడా అలాంటి విజయం అందుకుంటుందేమో చూడాలి. ఈ సినిమాకి ఏఆర్ రెహమాన్ మ్యూజిక్ అందిస్తున్నారు.