Mrunal Thakur: షారుక్ ఖాన్ అంటే పిచ్చి ప్రేమ.. మనసులో మాట చెప్పేసిన మృణాల్ ఠాకూర్!
ఈ వార్తాకథనం ఏంటి
బాలీవుడ్ సినిమాలు, అందులోని రొమాంటిక్ హీరోలు తనపై ఎంతటి ప్రభావాన్ని చూపించారో నటి మృణాల్ ఠాకూర్ తాజాగా వెల్లడించారు. ముఖ్యంగా బాలీవుడ్ బాద్‌షా షారుక్ ఖాన్ తెరపై పోషించిన ప్రేమకథా పాత్రలు ప్రేమపై తన అంచనాలను పెంచేశాయని తెలిపారు. నిజ జీవితంలోనూ షారుక్ ఖాన్‌లా రొమాంటిక్‌గా ఉండే వ్యక్తి తనకు ఎదురుకాలేదని సరదాగా వ్యాఖ్యానించారు. తన జీవితంలో షారుక్ ఖాన్ లేకపోవడం వెలితిగా ఉందంటూ ఆసక్తికర వ్యాఖ్యలు చేశారు. తాజాగా ఓ ఇంటర్వ్యూలో పాల్గొన్న మృణాల్ ఠాకూర్.. ప్రేమ, సినిమాల్లో రొమాన్స్, మారుతున్న కాలానికి అనుగుణంగా ప్రేక్షకుల ఆలోచనా విధానాల్లో వస్తున్న మార్పుల గురించి మాట్లాడారు.
వివరాలు
షారుక్ ఖాన్ అంటే పిచ్చి ప్రేమ.. మృణాల్ కామెంట్స్!
షారుక్ ఖాన్ సినిమాల్లో కనిపించే రొమాంటిక్ పాత్రలంటే తనకు ఎంతో ఇష్టమని మృణాల్ ఠాకూర్ వెల్లడించారు.
ప్రేమను తెరపై చూపించే విషయంలో షారుక్ ఖాన్ ఒక ప్రత్యేకమైన ప్రమాణాన్ని సృష్టించారని అభిప్రాయపడ్డారు.
ఆయనలాంటి రొమాంటిక్ వ్యక్తిని ఇప్పటివరకు నిజ జీవితంలో కలవలేదని చెప్పారు. 'నా జీవితంలో షారుక్ ఖాన్ లేడనే విషయం మనసును ముక్కలు చేస్తోంది.
రొమాన్స్ విషయంలో ఆయన సృష్టించిన బెంచ్‌మార్క్ గురించి ఎంత చెప్పినా తక్కువే. నాకు షారుక్ సర్ అంటే పిచ్చి ప్రేమ. తెరపై ఆయన పోషించిన పాత్రలంటే చాలా ఇష్టం.
షారుక్ ఖాన్‌లా రొమాంటిక్‌గా ఉండే వ్యక్తిని నేను ఇప్పటివరకు కలవలేదని మృణాల్ ఠాకూర్ పేర్కొన్నారు.
వివరాలు
అప్పటి సినిమాలు వేరు.. ఇప్పుడు మహిళలకు ఎక్కువ ఎంపికలు!
షారుక్ ఖాన్ సినిమాల్లోని ప్రేమకథలు తనపై ఎంతటి ప్రభావాన్ని చూపించాయో ఆమె చేసిన వ్యాఖ్యలు తెలియజేస్తున్నాయి.
తెరపై ఆయన ప్రదర్శించే ప్రేమ, రొమాంటిక్ హావభావాలు తన అంచనాలను పెంచేశాయని ఆమె అభిప్రాయపడ్డారు.
గతంలో సినిమాల్లో చూపించిన రొమాన్స్‌కు, ప్రస్తుత సినిమాల్లో కనిపిస్తున్న ప్రేమకథలకు మధ్య ఉన్న తేడాలపైనా మృణాల్ ఠాకూర్ మాట్లాడారు.
పాత ఐకానిక్ సినిమాలను మళ్లీ చూసినప్పుడు కొన్ని సన్నివేశాలు ఆశ్చర్యానికి గురిచేస్తాయని తెలిపారు.
అయితే అప్పటి సామాజిక పరిస్థితులు, సినిమా చూసే విధానం ఇప్పటితో పోలిస్తే భిన్నంగా ఉండేవని వివరించారు.
వివరాలు
ఇప్పుడు పరిస్థితులు పూర్తిగా మారిపోయాయి
'నేను పాత ఐకానిక్ సినిమాలను మళ్లీ చూసినప్పుడు.. కొన్ని విషయాలు చూసి 'ఏంటిది.. ఎందుకు ఇలా తీశారు' అనిపిస్తుంది.
అయితే ఆ కాలం వేరు. అప్పట్లో సోషల్ మీడియా లేదు. ప్రజలు కేవలం వినోదం కోసమే సినిమాలు చూసేవారు. కానీ ఇప్పుడు పరిస్థితులు పూర్తిగా మారిపోయాయి.
ఏ విషయంలోనైనా మహిళలకు కొన్ని ఎంపికలు చేసుకునే అవకాశాలు ఉన్నాయి. ఇలాంటి కాలంలో పుట్టినందుకు సంతోషంగా ఉందని మృణాల్ తెలిపారు.
వివరాలు
సినిమా చూసినంత మాత్రాన అందరిలోనూ మార్పు రాదు!
సినిమాలు ప్రేక్షకులపై చూపించే ప్రభావం గురించి కూడా మృణాల్ ఠాకూర్ తన అభిప్రాయాలను పంచుకున్నారు.
ఒకే సినిమాను చూసినప్పటికీ ప్రతి ఒక్కరూ దానిని ఒకే విధంగా అర్థం చేసుకోరని చెప్పారు. కొందరు సినిమా నుంచి జీవితానికి ఉపయోగపడే గుణపాఠాలను నేర్చుకుంటే, మరికొందరు దానిని కేవలం వినోదంగానే చూస్తారని వివరించారు.
'ఒక సినిమా నుంచి కొందరు గుణపాఠం నేర్చుకుంటారు. మరికొందరు దానిని కేవలం వినోదంగా మాత్రమే చూస్తారు. సినిమా చూసిన తర్వాత కూడా కొందరిలో ఎలాంటి మార్పు రాదు.
ఇదంతా ప్రేక్షకులు ఆ సినిమాను ఏ కోణంలో అర్థం చేసుకుంటారనే దానిపై ఆధారపడి ఉంటుందని ఆమె అభిప్రాయపడ్డారు.
వివరాలు
'పూజా మేరీ జాన్‌'లో మృణాల్ ఠాకూర్
ఇక సినిమాల విషయానికొస్తే.. మృణాల్ ఠాకూర్ ఇటీవల క్రైమ్ థ్రిల్లర్ చిత్రం 'పూజా మేరీ జాన్‌'లో నటించారు.
ఈ సినిమాలో హ్యూమా ఖురేషి, విజయ్ రాజ్ తదితరులు కీలక పాత్రలు పోషించారు.
సినిమాలతో పాటు తన వ్యక్తిగత అభిరుచులు, ప్రేమపై ఉన్న ఆలోచనలను కూడా మృణాల్ ఇలా ఇంటర్వ్యూల్లో పంచుకుంటున్నారు.