మనం మనం బరంపురం ట్యాగ్ లైన్ తో మంచు మనోజ్ కొత్త చిత్రం
మంచు మనోజ్ నుండి క్రేజీ అప్డేట్ వచ్చింది. ఈరోజు అప్డేట్ ఉంటుందని, తన జీవితంలో గొప్ప మలుపు ప్రారంభం అవుతుందని, అదేంటో చెప్తానని ట్విట్టర్ వేదికగా అందరిలో ఆసక్తి రేపాడు మనోజ్. జీవితంలో మలుపు అన్న మాటతో తన పెళ్ళి గురించి మనోజ్ చెప్పబోతున్నాడని, గతకొన్ని రోజులుగా వస్తున్న వార్తలకు ఫుల్ స్టాప్ పెట్టబోతున్నాడని అందరూ అనుకున్నారు. తను చేసిన దొంగ దొంగది సినిమాలోంచి మన్మథ రాజా అనే పాటను మీమ్ చేసి మరీ పోస్ట్ పెట్టడంతో సినీ అభిమానులు అందరూ పర్సనల్ లైఫ్ గురించి మనోజ్ చెప్పబోతున్నారని అనుకున్నారు. కానీ అందరినీ సర్ప్రైజ్ చేస్తూ సినిమా అనౌన్స్ చేసాడు మంచు మనోజ్. దాంతో నెటిజన్స్ అందరూ షాకయ్యారు.
సరికొత్త టైటిల్ తో క్రేజీ కథతో వస్తున్న "వాట్ ద ఫిష్" మూవీ
"వాట్ ద ఫిష్" అనే టైటిల్ తో సినిమాను ప్రేక్షకుల ముందుకు తీసుకొస్తున్నట్లు ప్రకటించాడు. మనం మనం బరంపురం అనే ట్యాగ్ లైన్ తో వస్తోంది ఈ సినిమా. తన దగ్గర నుండి సినిమా వచ్చి చాలారోజులైందని, ఇన్ని రోజులూ అభిమానులు నన్ను ఎంతో ప్రేమించారనీ, తిరిగి ఆ ప్రేమను ఇప్పుడు సినిమా రూపంలో అందించే సమయం వచ్చిందని, క్రేజీ కాన్సెప్ట్ తో క్రేజీ సినిమా తీస్తున్నామని చెప్పుకొచ్చాడు మనోజ్. కొత్త దర్శకుడు వరుణ్, ఈ సినిమాను తెరకెక్కిస్తున్నాడు. ప్రస్తుతానికి సినిమా టైటిల్ తప్ప, ఇతర విషయాలు వెల్లడి చేయలేదు. గతంలో అహం బ్రహ్మస్మి అనే సినిమాను అనౌన్స్ చేసాడు మనోజ్. ఆ సినిమా ఏమయ్యిందో చెప్పకుండా కొత్త సినిమాను ప్రకటించాడు.
