అత్యధిక ధరకు అమ్ముడైన మసూద శాటిలైట్ రైట్స్
ఈ వార్తాకథనం ఏంటి
2022లో వచ్చిన విజయవంతమైన చిత్రాల్లో మసూద కూడా ఒకటి. తెలుగు తెరమీద హార్రర్ సినిమాలు లేని లోటును తీర్చింది మసూద. రిలీజైన మొదటి రోజు నుండి పాజిటివ్ టాక్ తో దూసుకుపోయింది.
దాంతో మసూదకు కలెక్షన్లు బాగా వచ్చాయి. కేవలం టాక్ ద్వారానే ప్రజల్లోకి వెళ్ళి, అటు విమర్శకుల నుండి జనాల నుండి ప్రశంసలు పొందింది.
ప్రస్తుతం ఈ సినిమా శాటిలైట్ హక్కులను జెమినీ ఛానల్ దక్కించుకుంది. అది కూడా అత్యధిక రేటు పెట్టి మరీ కొనుక్కుంది.
చిన్న సినిమాగా వచ్చిన మసూదకు శాటిలైట్స్ రైట్స్ రూపంలో మంచి అమౌంట్ వచ్చిందని చెప్పుకుంటున్నారు. కొత్త దర్శకుడు సాయి కిరణ్ ఈ సినిమాను రూపొందించారు.
మసూద
రెండువైపులా లాభాలు
ఈ సినిమాలో సంగీత, తిరువీర్, కావ్యా కళ్యాణ్ రామ్, బాంధవి శ్రీధర్, శుభలేఖ సుధాకర్, సత్యం రాజేష్, సత్య ప్రకాష్ ముఖ్య పాత్రల్లో కనిపించారు.
మళ్ళీరావా, ఏజెంట్ సాయి శ్రీనివాస ఆత్రేయ వంటి సినిమాలను నిర్మించిన స్వధర్మ్ ఎంటర్ టైన్ మెంట్స్ బ్యానర్ పై రాహుల్ యాదవ్ నక్కా నిర్మించారు. ప్రశాంత్ ఆర్ విహారి సంగీతం అందించారు.
థియేటర్లలో సక్సెస్ ఫుల్ గా దూసుకుపోయిన ఈ సినిమా మరికొద్ది రోజుల్లో జెమినీ ఛానల్ లో ప్రసారం కానుంది. మొత్తానికి రెండువైపులా మసూదకు మంచి లాభాలు వచ్చాయని అనుకుంటున్నారు.
ఇదిలా ఉంటే ఆల్రెడీ ఆహాలో స్ట్రీమింగ్ అవుతోంది. అక్కడ కూడా ఎక్కువ వ్యూస్ తెచ్చుకుంది మసూద. జెమినీలో ఎలాంటి రెస్పాన్స్ తెచ్చుకుంటుందో చూడాలి.