Naveen Chandra : సినిమా నచ్చకుంటే డబ్బులు వెనక్కి.. నవీన్ చంద్ర ఓపెన్ ఛాలెంజ్!
ఈ వార్తాకథనం ఏంటి
టాలీవుడ్ యంగ్ హీరో నవీన్ చంద్ర నటించిన థ్రిల్లర్ మూవీ 'లెవెన్'. ఈ చిత్రానికి లోకేశ్ అజ్ల్స్ దర్శకత్వం వహించగా, AR ఎంటర్‌టైన్‌మెంట్ బ్యానర్‌పై అజ్మల్ ఖాన్, రేయా హరి నిర్మించారు.
ఇప్పటికే విడుదలైన ప్రమోషనల్ కంటెంట్ సినిమాపై మంచి బజ్ క్రియేట్ చేయగా, ఈ వేసవిలో అద్భుతమైన సినిమా అనుభవం అందించేందుకు మే 16న ఈ చిత్రం ప్రపంచవ్యాప్తంగా థియేటర్లలో విడుదల కానుంది.
ఈ సందర్భంగా మేకర్స్ ప్రీ రిలీజ్ ఈవెంట్ నిర్వహించారు.
ఈ గ్రాండ్ వేడుకలో పీపుల్ స్టార్ సందీప్ కిషన్ చీఫ్ గెస్ట్ గా హాజరయ్యారు. కరుణ కుమార్, రియా, అభిరామి, డి.ఇమాన్, ఆనిల్ విశ్వనాథ్, రాకేందు మౌళి తదితరులు కూడా ఈ కార్యక్రమంలో పాల్గొన్నారు.
Details
సినిమాకు కథే బలం
ఈ సందర్భంలో హీరో నవీన్ చంద్ర మాట్లాడుతూ, నేను చేసే కథలు, పాత్రలు ప్రేక్షకుల నుండి ప్రారంభం నుండే ప్రశంసలు పొందాయి.
ఆ గౌరవానికి బదులుగా, ఈ 'లెవెన్' సినిమాతో మీ ముందుకు రాబోతున్నాను. ఇప్పటి వరకు ఏ థ్రిల్లర్‌లోనూ చూడని ఒక వినూత్నమైన కాన్సెప్ట్ ఈ సినిమాలో ఉంది.
ఈనెల 15న పెయిడ్ ప్రీమియర్స్ వేయనున్నాం. అవి చూసి ప్రేక్షకులు థియేటర్ నుంచి బయటకు వచ్చేటప్పుడు, నేను అక్కడే నిల్చొని ఉంటాను.
ఒకవేళ మీకు సినిమా నచ్చకపోతే, మీ టికెట్ డబ్బులు వెనక్కి తీసుకునే హక్కు మీకుంది. ఈ సినిమాకి కథే బలం. ఇందులో 30 నిమిషాలు చాలా భావోద్వేగానికి గురి చేస్తాయని, ఇది తప్పకుండా అందరికీ నచ్చుతుందని ఆయన చెప్పుకొచ్చారు