ఫలానా అమ్మాయి ప్రేమలో నాగశౌర్య.. కొత్త సినిమా ప్రకటన
క్రిష్ణ వ్రింద విహారి సినిమా తర్వాత నాగశౌర్య తన కొత్త సినిమాను ప్రకటించాడు. "ఫలానా అబ్బాయి ఫలానా అమ్మాయి" అనే టైటిల్ తో ఈ సినిమా రూపొందుతోంది. నూతన సంవత్సర కానుకగా ఈ సినిమా నుండి ఫస్ట్ లుక్ ని రిలీజ్ చేసారు. మాళవిక నాయర్ హీరోయిన్ గా కనిపిస్తోంది. ఫస్ట్ లుక్ చాలా ఆసక్తిగా ఉంది. మెట్రో రైల్ లో చెవుల్లో ఇయర్ ఫోన్స్ తగిలించుకుని ఒకరి మొహంలోకి ఒకరు చూసుకుంటూ ఆహ్లాదంగా కనిపించారు. ఈ సినిమాకు కళ్యాణి మాలిక్ సంగీతం అందిస్తున్నారు. ఊహలు గుసగుసలాడే సినిమాతో నాగశౌర్య - శ్రీనివాస్ అవసరాల మంచి విజయం అందుకున్నారు. ఆ తర్వాత వీరి కాంబినేషన్లో జ్యో అచ్యుతానంద మూవీ వచ్చింది.
వేసవిలో విడుదల
జ్యో అచ్యుతానంద సినిమాకు విమర్శకుల నుండి ప్రశంసలు దక్కాయి. ఇప్పుడు మళ్ళీ ఫలా అబ్బాయి ఫలానా అమ్మాయితో ప్రేక్షకుల ముందుకు వస్తున్నారు. ప్రస్తుతానికి ఫస్ట్ లుక్ మాత్రమే రిలీజ్ చేసారు. మాళవికా నాయర్, నాగశౌర్య కలిసి ఆల్రెడీ కళ్యాణ వైభోగమే సినిమాలో కనిపించారు. ఇప్పుడు వీరిద్దరి కాంబినేషన్ లో ఇది రెండవ చిత్రం. ఈ సినిమా 3సంవత్సరాల క్రిందటే మొదలైందని సమాచారం. చిత్రీకరణ కూడా పూర్తయిపోయిందని తెలుస్తోంది. పోస్ట్ ప్రొడక్షన్ పనులు మొదలయ్యాయని అంటున్నారు. ఈ సినిమాను దాసరి ప్రొడక్షన్స్, పీపుల్ మీడియా ఫ్యాక్టరీ బ్యానర్ లపై దాసరి పద్మజ, టీజీ విశ్వప్రసాద్ సంయుక్తంగా నిర్మిస్తున్నారు. వేసవిలో విడుదలకు ప్లాన్ చేస్తున్నారు. ఈ సినిమాకు కళ్యాణి మాలిక్ సంగీతం అందిస్తున్నారు.
