వేసవిలో వస్తున్న నాగచైతన్య కస్టడీ.. విడుదల తేదీ ప్రకటన
థ్యాంక్యూ సినిమాతో అతిపెద్ద అపజయాన్ని మూటగట్టుకున్న అక్కినేని వారసుడు నాగ చైతన్య, ప్రస్తుత్రం ద్విభాషా చిత్రం కస్టడీ తో ప్రేక్షకుల ముందుకు వస్తున్నాడు. ఆల్రెడీ ఈ సినిమా నుండి నాగ చైతన్య పుట్టినరోజున ఫస్ట్ లుక్ పోస్టర్ వచ్చేసింది. ఈ పోస్టర్ కి ప్రేక్షకుల నుండి మంచి స్పందన వచ్చింది. ప్రస్తుతం ఈ సినిమా నుండి మరో అప్డేట్ వచ్చింది. సినిమా విడుదల తేదీని ప్రకటించింది చిత్రబృందం. 2023 వేసవిలో కస్టడీ ని ప్రేక్షకుల ముందుకు తీసుకురానున్నారు. 2023 మే 12వ తేదీన కస్టడీ ని రిలీజ్ చేస్తున్నట్లు ప్రకటించారు. శ్రీనివాస సిల్వర్ స్కీన్ బ్యానర్ పై శ్రీనివాస్ చిట్టూరి ఈ సినిమాని నిర్మిస్తున్నారు. వెంకట్ ప్రభు దర్శకత్వంలో ఈ సినిమా రూపొందుతోంది.
కృతి శెట్టి హీరోయిన్ గా చేస్తోంది
మేస్ట్రో ఇళయరాజా, ఆయన కుమారుడు యువన్ శంకర్ రాజా సంగీతాన్ని అందిస్తున్నారు. ఈ సినిమాలో నాగ చైతన్య సరసన ఉప్పెన భామ కృతి శెట్టి కనిపిస్తుంది. పోలీస్ కానిస్టేబుల్ గా నాగ చైతన్య కనిపిస్తారని సమాచారం.విలన్ గా అరవిందస్వామి చేస్తున్నారు. తెలుగుతో పాటు తమిళంలో కూడా ఒకేసారి రిలీజ్ చేస్తున్నారు. వేసవిలో సినిమా సందడి ఎక్కువగా ఉంటుంది. ఆ సందడిలో కస్టడీ ఎలాంటి ఫలితాన్ని అందిస్తుందో చూడాలి. నాగ చైతన్యకు సోలో హిట్ పడి చాలా రోజులైంది. బంగర్రాజు సినిమా విజయం నాగార్జున ఖాతాలో పడిపోవడంతో నాగ చైతన్యకు సోలోగా హిట్ పడాల్సిన అవసరం ఉంది. అలాగే కృతిశెట్టి ఖాతాలో చాలా అపజయాలు వచ్చి చేరాయి. కస్టడీ తో విజయం అందుకుంటారేమో చూడాలి
