డైరెక్టర్ ఎవరో రివీల్ చేయకుండా నాని 30వ సినిమా ప్రకటన
ఈ వార్తాకథనం ఏంటి
నేచురల్ స్టార్ నాని, తన 30వ సినిమాను వెల్లడించాడు. శ్యామ్ సింగరాయ్, అంటే సుందరానికీ సినిమాలతో ఓ మోస్తారు విజయాన్ని అందుకుని ప్రస్తుతం దసరా సినిమాతో ప్రేక్షకుల ముందుకు రావడానికి రెడీ అవుతున్నాడు.
మాస్ ఎంటర్ టైనర్ గా రూపొందుతున్న దసరా సినిమా నుండి రిలీజైన ధూమ్ ధామ్ దోస్తాన్ అనే పాటకు ప్రేక్షకుల నుండి మంచి స్పందన వచ్చింది.
2023 మార్చిలో దసరా సినిమాను రిలీజ్ చేయాలని ప్లాన్ చేస్తున్నారు. కీర్తి సురేష్ ఇందులో హీరోయిన్ గా నటిస్తోంది . శ్రీకాంత్ ఓదెల ఈ సినిమాను డైరెక్ట్ చేస్తున్నారు.
ప్రస్తుతం నాని నుండి తన 30సినిమా ప్రకటన వచ్చింది. ఇక్కడ ఆశ్చర్యమేమిటంటే ఆ సినిమాకి డైరెక్టర్ ఎవరనేది ఇంకా వెల్లడి చేయలేదు.
నాని 30వ సినిమా
జనవరి 1వ తేదీన వివరాలు
వైరా ఎంటర్ టైన్ మెంట్స్ అనే కొత్త బ్యానర్ లో నాని 30వ సినిమా ఉంటుందని ఒక పోస్టర్ వదిలారు. నిర్మాతలుగా మోహన్ చెరుకూరి, డాక్టర్ విజేందర్ రెడ్డి తీగల, డాక్టర్ మూర్తి కేఎస్ ఉన్నట్లు వెల్లడించారు.
సముద్రపు ఒడ్డున కూర్చుని ఫోన్ వైపు చూస్తున్న నాని ఫోటో పోస్టర్ లో కనిపించింది. ఈ సినిమాకి సంబంధించిన పూర్తి విషయాలు 2023 జనవరి 1వ తేదీన సాయంత్రం 4:05గంటలకు వెల్లడి చేస్తారు.
నాని 30వ సినిమా ఏ జోనర్ లో ఉండబోతుంది, హీరోయిన్ గా ఎవరు చేస్తున్నారు? డైరెక్టర్ ఎవరు? అనే విషయాలు జనవరి 1 న తెలుస్తుంది .
మొత్తానికి 2022 చివర్లో నాని నుండి అభిమానులకు మంచి అప్డేట్ అందింది.