Nani: కల్కిలో దీపికా పదుకొనే కుమారుడిగా నాని.. క్లారిటీ ఇచ్చిన న్యాచురల్ స్టార్
'కల్కి 2898 ఏడీ'లో చాలా మంది స్టార్స్ అతిథి పాత్రలో మెరిశారు. ఈ సినిమా ప్రపంచ వ్యాప్తంగా అత్యధిక వసూళ్లు సాధించి రికార్డులను సృష్టించింది. ఈ చిత్రానికి నాగ్ అశ్విన్ దర్శకత్వం వహించగా.. అశ్వినీదత్ నిర్మాతగా వ్యవహరించారు. ఈ సినిమాలో కల్కి పాత్ర ఎవరు చేస్తున్నారనే విషయం ఇంకా క్లారిటీ రాలేదు. ఈ పాత్రలో న్యాచురల్ స్టార్ నాని నటిస్తున్నట్లు సోషల్ మీడియాలో వార్తలు చక్కర్లు కొడుతున్నాయి. తాజాగా దీనిపై హీరో నాని స్పందించారు. 'సరిపోదా శనివారం' ప్రమోషన్స్ లో నాని మాట్లాడారు.
ఫేక్ న్యూస్ ను నమ్మద్దు : నాని
కల్కి క్యారెక్టర్ గురించి నాతో సంప్రదించారనే వార్తలు ఎవరు పుట్టించారో తెలియదు. ఫేక్ న్యూస్ లు సోషల్ మీడియాలో ఎక్కువయ్యాయని, ఇంతకు ముందు మీమ్ హ్యాండిల్స్ ఫేక్ న్యూస్ పబ్లిష్ చేస్తే, మీడియా హ్యాండిల్స్ రాంగ్ అని వేసేవని చెప్పారు. ఇప్పుడు ఆ ఫేక్ న్యూస్ కాఫీ చేసి అఫీషియల్ హ్యాండిల్స్ వేయడం మొదలు పెట్టాయన్నారు. కల్కిలో తనకు రోల్ ఆఫర్ చేశారనేది ఫేక్ న్యూస్ అంటూ నాని వివరణ ఇచ్చారు.
