Nani The Paradise Box Office: నాని 'ది ప్యారడైజ్' సునామీ.. కేవలం 2 రోజుల్లోనే రూ.100 కోట్లు!
ఈ వార్తాకథనం ఏంటి
న్యాచురల్ స్టార్ నాని నటించిన పిరియాడిక్ యాక్షన్ డ్రామా 'ది ప్యారడైజ్' బాక్సాఫీస్ వద్ద భారీ వసూళ్లను రాబడుతోంది. తొలి రోజుతోనే సత్తా చాటిన ఈ సినిమా.. రెండో రోజు కూడా అదే స్థాయిలో హోల్డ్ సాధించి థియేటర్లలో కాసుల వర్షం కురిపిస్తోంది. శ్రీకాంత్ ఒదెల దర్శకత్వంలో, ఎస్ఎల్వి సినిమాస్ బ్యానర్పై సుధాకర్ చెరుకూరి నిర్మించిన ఈ చిత్రం కేవలం రెండు రోజుల్లోనే రూ.100 కోట్ల గ్రాస్ మార్కును దాటేసి అందరినీ ఆశ్చర్యపరిచింది. ఇప్పటివరకు ప్రపంచవ్యాప్తంగా దాదాపు రూ.114 కోట్లకు పైగా గ్రాస్ కలెక్షన్స్ రాబట్టినట్లు తెలుస్తోంది. దీంతో నాని కెరీర్లోనే అత్యంత వేగంగా రూ.100 కోట్ల క్లబ్లో చేరిన సినిమాగా 'ది ప్యారడైజ్' రికార్డు సృష్టించింది.
వివరాలు
ఇతర భాషల్లోనూ జోరు..
తెలుగు రాష్ట్రాల్లో మాత్రమే కాకుండా ఇతర భాషల్లోనూ 'ది ప్యారడైజ్' మంచి వసూళ్లను రాబడుతోంది.
తమిళ, కన్నడ మార్కెట్లతో పాటు హిందీ బెల్ట్లోనూ ఈ సినిమాకు మంచి స్పందన లభిస్తోంది. దీంతో సినిమా థియేట్రికల్ రన్ చాలా స్ట్రాంగ్గా కొనసాగుతోంది.\
నార్త్ అమెరికాలో మరో లెవెల్..
ఓవర్సీస్ మార్కెట్లో 'ది ప్యారడైజ్' మరింత ప్రభావం చూపిస్తోంది. ముఖ్యంగా నార్త్ అమెరికాలో ఈ మధ్యకాలంలో ఏ సినిమాకు రాని స్థాయిలో కలెక్షన్లు వస్తున్నాయని తెలుస్తోంది.
ఇప్పటికే నార్త్ అమెరికాలో ఈ చిత్రం 1.7 మిలియన్ డాలర్ల గ్రాస్ మార్కును దాటేసింది. ప్రస్తుతం చాలా వేగంగా 2 మిలియన్ డాలర్ల మార్కు వైపు దూసుకెళ్తోంది.
వివరాలు
మూడో రోజుపై భారీ అంచనాలు..
మూడో రోజు కూడా 'ది ప్యారడైజ్' అడ్వాన్స్ బుకింగ్స్ చాలా ఆశాజనకంగా ఉన్నాయి.
దీంతో రాబోయే వీకెండ్లో ఈ సినిమా మరిన్ని పాత రికార్డులను తిరగరాయనుందని చిత్రబృందం బలంగా నమ్ముతోంది.