మళ్ళీ పెళ్ళి సినిమా రిలీజ్ ను ఆపాలని కోర్టులో పిటిషన్ వేసిన నరేష్ మూడవ భార్య రమ్య రఘుపతి
ఈ వార్తాకథనం ఏంటి
నరేష్, పవిత్రా లోకేష్ జంటగా నటించిన మళ్ళీ పెళ్ళి సినిమాపై అందరిలో చాలా ఆసక్తి నెలకొంది. ఈ సినిమాను ప్రకటించినప్పటి నుండి ఈ ఆసక్తి పెరుగుతూనే ఉంది.
నరేష్, పవిత్రా లోకేష్ గత కొన్ని రోజులుగా రిలేషన్ లో ఉంటున్నారని మీడియాలో అనేక వార్తలు వచ్చాయి. ఈ విషయమై మళ్ళీ పెళ్ళి ప్రమోషనలో ఓపెన్ అయ్యారు నరేష్, పవిత్ర. తామిద్దరూ రిలేషన్ లో ఉన్నామని చెప్పుకొచ్చారు.
అయితే మళ్ళీ పెళ్ళి సినిమాలో నరేష్, పవిత్రల జీవితంలో జరిగిన సంఘటనలు ఉన్నాయని, టీజర్ ట్రైలర్ ద్వారా అర్థం అయ్యింది.
నరేష్, పవిత్రల గురించి మీడియాలో వచ్చిన వార్తలు, హోటల్ గదిలో పవిత్ర, నరేష్ కనిపించడం.. ఇవన్నీ మళ్ళీ పెళ్ళి ట్రైలర్ లో కనిపించాయి.
Details
పరువుకు భంగం వాటిల్లుతుందని కోర్టును ఆశ్రయించిన నరేష్ మూడవ భార్య
నిజ జీవితంలో జరిగిన సంఘటనలు సినిమాలో ఉన్నాయని అర్థం కావడంతో ఈ సినిమాపై ఆసక్తి మరింత పెరిగింది. అయితే ప్రస్తుతం మళ్ళీ పెళ్ళి సినిమా బృందానికి షాక్ తగిలింది.
నరేష్ మూడవ భార్య రమ్య రఘుపతి, మళ్ళీ పెళ్ళి సినిమా రిలీజ్ ను ఆపాలని కూకట్ పల్లి ఫ్యామిలీ కోర్టులో పిటీషన్ వేసింది.
మళ్ళీ పెళ్ళి సినిమా తన పరువుకు భంగం కలిగించేలా ఉందనీ, అందువల్ల సినిమా విడుదలను ఆపివేయాలని కోర్టును ఆశ్రయించింది.
మే 26వ తేదీన సినిమా విడుదల కావాల్సి ఉంది. మరి సినిమా విడుదల అవుతుందా? లేదా పిటీషన్ కారణంగా విడుదల ఆగిపోతుందా అనేది సస్పెన్స్ గా మారింది.