ఆత్మహత్య ఆలోచనల నుండి కాపాడిన నరేష్; తన జీవితంలోని ఆసక్తికర విషయాలను వెల్లడించిన పవిత్రా లోకేష్
ఈ వార్తాకథనం ఏంటి
సీనియర్ యాక్టర్ నరేష్, సీనియర్ హీరోయిన్ పవిత్రా లోకేష్ జంటగా నటించిన చిత్రం మళ్ళీ పెళ్ళి. ఎమ్మెస్ రాజు దర్శకత్వం వహించిన ఈ సినిమా, మే 26వ తేదీన రిలీజ్ కు సిద్ధం అవుతోంది.
ఈ నేపథ్యంలో ప్రమోషన్లలో జోరుగా పాల్గొంటున్నారు నరేష్, పవిత్ర. తాజాగా ప్రీ రిలీజ్ ఈవెంట్ కూడా జరిగింది.
గతకొన్ని రోజులుగా నరేష్, పవిత్రల బంధం గురించి అనేక వార్తలు వచ్చాయి. ప్రస్తుతానికి తామిద్దరూ కలిసే ఉంటున్నారని నరేష్, పవిత్ర వెల్లడి చేసారు.
అయితే సోషల్ మీడియాలో నరేష్, పవిత్ర గురించిన వార్తలే, మళ్ళీ పెళ్ళి సినిమాలో ఉండబోతున్నాయని, ఈ సినిమా నరేష్, పవిత్రల నిజ జీవిత కథగా ఉండబోతుందని ట్రైలర్ చూసిన వాళ్ళు అనుకుంటున్నారు.
Details
ఆత్మహత్య ఆలోచనలు
ప్రస్తుతం ప్రమోషన్లలో పాల్గొంటున్న పవిత్ర, నరేష్ గురించి ఆసక్తికర విషయాలు వెల్లడి చేసింది. తన జీవితంలో కొన్ని క్లిష్ట పరిస్థితులు ఎదురయ్యాయని, కొంతమంది తనను తప్పుగా చూపించే ప్రయత్నం చేసారని ఆమె అంది.
తన కెరీర్ పై బ్లాక్ మార్క్ పెట్టాలని కొంతమంది ట్రై చేసారట. అలాంటి పరిస్థితి నుండి బయటపడటం తనకు కష్టంగా మారిందనీ, ఆత్మహత్య చేసుకోవాలన్న ఆలోచనలు వచ్చాయనీ, ఆ పరిస్థితి నుండి నరేష్ కాపాడారని ఆమె అంది.
నరేష్ ఫ్యామిలీ తమ బంధాన్ని స్వాగతించారని పవిత్రా లోకేష్ అంది. విజయ నిర్మల, కృష్ణలతో తాను మాట్లాడినట్లు చెప్పుకొచ్చింది.