మళ్ళీ పెళ్ళి ట్రైలర్: ప్రేమలో ఏది చేసినా తప్పే కాదంటున్న నరేష్
సీనియర్ యాక్టర్ నరేష్, సీనియర్ నటి పవిత్రా లోకేష్.. ప్రధాన పాత్రల్లో రూపొందిన చిత్రం మళ్ళీ పెళ్ళి. ఈ సినిమా ప్రకటించినప్పటి నుండి అందరిలోనూ ఆసక్తి బాగా పెరిగింది. టీజర్ రిలీజ్ అయినపుడు ఈ సినిమాపై ఇంట్రెస్ట్ డబుల్ అయ్యింది. ఎందుకంటే నరేష్ పవిత్రా లోకేష్ ల జీవితంలో జరిగిన సంఘటనలు ఈ సినిమాలో కనిపించాయి. ప్రస్తుతం ఈ చిత్ర ట్రైలర్ విడుదలైంది. టీజర్ లో కనిపించిన సీన్లకు పొడిగింపుగా ట్రైలర్ లో సీన్లు కనిపించాయి. ఇద్దరు భార్యలను వదిలేసిన నరేష్ పాత్ర, పవిత్రా లోకేష్ పాత్ర పట్ల ఆకర్షితం అవుతుంది. లేటు వయసులో పవిత్ర పాత్రతో ప్రేమలో పడినట్లు, ఆ విషయాన్ని ఆమెతో చెప్పాలని ట్రై చేసినట్లు చూపించారు.
మే 26న విడుదలవుతున్న మళ్ళీ పెళ్ళి
భర్తంటే ఇష్టం లేని పవిత్ర పాత్ర, నరేష్ ప్రేమను ఒప్పుకున్నట్లు చూపించారు. ఆ తర్వాత ఈ న్యూస్, మీడియాలో సెన్సేషన్ అయినట్టుగా ట్రైలర్ లో ఉంది. ఈ ట్రైలర్ మొత్తంలో కనిపించిన సీన్లన్ని గతంలో సోషల్ మీడియాలో నరేష్, పవిత్రల బంధం గురించి వచ్చిన వార్తల్లాగే ఉన్నాయి. తెలుగు, కన్నడ భాషల్లో తెరకెక్కిన ఈ సినిమాను మే 26వ తేదీన థియేటర్లలోకి తీసుకొస్తున్నారు. ఎమ్మెస్ రాజు దర్శకత్వం వహించిన ఈ సినిమాను విజయ కృష్ణ బ్యానర్ పై నిర్మాతగా మారి నరేష్ నిర్మించారు. సురేష్ బొబ్బిలి సంగీతం అందించాడు.
