Dharman: ఐదేళ్ల తరువాత మళ్లీ తెరపైకి ఆ సూపర్‌ జోడి
ఈ వార్తాకథనం ఏంటి
ఐదేళ్ల విరామం తర్వాత సూపర్‌స్టార్‌ రజనీకాంత్‌, లేడీ సూపర్‌స్టార్‌ నయనతార మరోసారి వెండితెరపై జతకట్టనున్నారు. రజనీ ప్రధాన పాత్రలో, కమల్‌ హాసన్‌ నిర్మాణంలో తెరకెక్కుతున్న 'ధర్మన్' సినిమాలో నయనతార భాగమయ్యారు. ఈ విషయాన్ని నిర్మాణ సంస్థ రాజ్‌కమల్‌ ఫిల్మ్స్‌ ఇంటర్నేషనల్‌ (RKFI) అధికారికంగా ప్రకటించింది. తాజాగా విడుదల చేసిన పోస్టర్‌తో ఆమె ఎంట్రీని ధ్రువీకరించడంతో అభిమానుల్లో సినిమా మీద ఆసక్తి మరింత పెరిగింది.
Details
రజనీ నయన్‌ జోడీ
'ఓ మై కడవులే', 'డ్రాగన్‌' చిత్రాలతో గుర్తింపు తెచ్చుకున్న అశ్వత్‌ మారిముత్తు ఈ సినిమాకు దర్శకత్వం వహిస్తున్నారు.
ఇప్పటికే షూటింగ్‌ వేగంగా సాగుతోంది. రజనీ-నయనతార జోడీకి ప్రేక్షకుల్లో మంచి క్రేజ్‌ ఉంది.
గతంలో 'చంద్రముఖి', 'కుసేలన్‌', 'దర్బార్‌', 'అన్నాత్తే' వంటి చిత్రాల్లో వీరిద్దరూ కలిసి నటించారు.
2021లో విడుదలైన 'అన్నాత్తే' తర్వాత మళ్లీ వీరు తెరపై కనిపించనుండటంతో ఈ కాంబినేషన్‌ ప్రత్యేక ఆకర్షణగా మారింది. 'శివాజీ'లో నయనతార ప్రత్యేకంగా కనిపించారు.
Details
అదిరిపోయే పాత్రలో నయనతార
'ధర్మన్'లో నయనతార పాత్రకు కథలో ప్రాధాన్యం ఉంటుందని సమాచారం. సిమ్రాన్‌, రాశీ ఖన్నా, శ్రీలీల, యోగిబాబు తదితరులు నటిస్తున్న ఈ చిత్రంలో రామ్‌ పోతినేని ప్రతినాయకుడిగా కనిపించనున్నట్లు తెలుస్తోంది.
అనిరుధ్‌ రవిచందర్‌ సంగీతం అందిస్తుండగా, నికేత్‌ బొమ్మిరెడ్డి ఛాయాగ్రహణం, ప్రదీప్‌ ఇ. రాఘవ్‌ ఎడిటింగ్‌ బాధ్యతలు చేపట్టారు. యాక్షన్‌ సన్నివేశాలను అన్బరివ్‌ మాస్టర్స్‌ రూపొందిస్తున్నారు.
Details
పొంగల్‌పై కన్నేసిన ధర్మన్
అక్టోబర్‌ విరామం తర్వాత నవంబర్‌లో మిగిలిన షూటింగ్‌ కొనసాగించనున్నారు.
డిసెంబర్‌ నాటికి టాకీ పార్ట్‌ పూర్తి చేసి, 2027 పొంగల్‌కు సినిమాను విడుదల చేయాలని చిత్రబృందం లక్ష్యంగా పెట్టుకుంది.
రజనీ-కమల్‌ కలయికకు నయనతార జోడీ కావడంతో 'ధర్మన్'పై అంచనాలు మరింత పెరిగాయి.