ఆదికేశవ గ్లింప్స్: మాస్ బాట పట్టిన ఉప్పెన హీరో
ఈ వార్తాకథనం ఏంటి
ఉప్పెన చిత్రంతో తెలుగు తెరకు పరిచయమైన మెగా మేనల్లుడు పంజా వైష్ణవ్ తేజ్, ఈసారి కొత్తగా కనిపించాడు. తాజాగా తన నాలుగవ చిత్రాన్ని ప్రకటించాడు.
ఆదికేశవ అనే టైటిల్ తో రూపొందుతున్న ఈ సినిమా గ్లింప్స్ ని ఈరోజు రిలీజ్ చేసారు. గ్లింప్స్ వీడియోలో వైష్ణవ్ తేజ్ ని చూసి అందరూ ఆశ్చర్యపోతున్నారు.
గ్లింప్స్ లో కనిపించింది వైష్ణవ్ తేజ్ కాదేమోనన్న అనుమానమూ కలిగింది. అంతలా మారిపోయాడు మరి. గుబురు గడ్డం, పెరిగిన బాడీ.. అచ్చం మాస్ హీరోలా ఉన్నాడు.
సినిమా కూడా పూర్తిస్థాయి మాస్ చిత్రమేనని గ్లింప్స్ లో కనిపించిన ఫైట్లతో అర్థమైపోయింది. వైష్ణవ్ తేజ్ ని ఈ తరహా యాక్షన్ సీన్లలో చూడటం ఇదే మొదటిసారి.
Details
శివుడి గుడి చుట్టూ తిరిగే కథ
శివుడి గుడిని కూలగొడదామని విలన్లు ప్రయత్నిస్తుంటే, వాళ్లని ఆపడానికి ఫైట్ చేసే సీన్ ని గ్లింప్స్ లో చూపించారు. చిత్రానికి ఆదికేశవ అనే టైటిల్ పెట్టడంతో, ఈ కథ మొత్తం దేవుడి చుట్టూ తిరుగుతుందని అర్థమవుతోంది.
ఈ సినిమాలో శ్రీలీల హీరోయిన్ గా కనిపిస్తోంది. గ్లింప్స్ లో అయితే ఆమె ఎక్కడా కనబడలేదు. ఈ సినిమాతో శ్రీకాంత్ ఎన్ రెడ్డి దర్శకుడిగా మారుతున్నాడు.
సితార ఎంటర్ టైన్మెంట్స్, ఫార్ఛూన్ ఫోర్ సినిమాస్ బ్యానర్లలో రూపొందుతున్న ఈ సినిమాను ఎస్ నాగవంశీ, ఎస్ సౌజన్య నిర్మిస్తున్నారు. జులైలో సినిమాను విడుదల చేస్తామని ప్రకటించారు.