పవన్ కళ్యాణ్ అప్పులపై నాగబాబు మాటలు వైరల్
ఈ వార్తాకథనం ఏంటి
తెలుగు సినిమా హీరోల్లో ఎక్కువ రెమ్యునరేషన్ తీసుకునే ఇద్దరు ముగ్గురు హీరోల్లో పవన్ కళ్యాణ్ మొదటి స్థానంలో ఉంటారని చాలాసార్లు వార్తలు వచ్చాయి.
పెద్ద మొత్తంలో పారితోషికం అందిపుచ్చుకునే హీరోలకు అప్పులు ఉంటాయని ఎవరూ అనుకోరు. కానీ పవన్ కళ్యాణ్ అప్పుల్లో ఉన్నారని తాజాగా మాటలు వినిపిస్తున్నాయి.
అటు రాజకీయ పార్టీని, ఇటు సినిమా కెరీర్ ని ముందుకు నడిపిస్తున్న పవన్ కళ్యాణ్ కి ఆస్తుల కంటే అప్పులే ఎక్కువగా ఉన్నాయని అంటున్నారు. ఈ మాట స్వయంగా పవన్ కళ్యాణ్ అన్నయ్య నాగబాబు చెప్పడంతో అందరూ ఆశ్చర్యపోతున్నారు.
కొంతకాలం క్రితం పవన్ కళ్యాణ్ కూడా స్వయంగా ఈ విషయం వెల్లడించారు. అప్పుల సంగతి చెప్పకపోయినా ఆర్థికంగా ఇబ్బందులు ఎదుర్కొన్నానని తెలియజేసారు.
పవన్ కళ్యాణ్
పిల్లల కోసం దాచిపెట్టిన డబ్బును పార్టీకి వాడేసిన పవన్ కళ్యాణ్
పవన్ కళ్యాణ్ కి దగ్గరగా ఉండే కొంతమంది కూడా పవన్ అప్పుల గురించి అప్పుడప్పుడు చెప్పుకొచ్చారు. ఇటీవల రైతు భరోసా యాత్ర చేపట్టినపుడు రైతుల సంక్షేమం కోసం పవన్ చాలా ఖర్చు చేసారని అంటున్నారు.
పవన్ అప్పుల గురించి నాగబాబు మాట్లాడుతూ, పవన్ కి ఆస్తుల కంటే అప్పులే ఎక్కువ ఉన్నాయని నేనంటే ఎవ్వరూ నమ్మరు. ఎందుకంటే రెమ్యునరేషన్ ఎక్కువ తీసుకుంటున్నాడు కదా అని చెప్తారని నాగబాబు అన్నారు.
పవన్ తన పిల్లల కోసం దాచి ఉంచిన డబ్బును పార్టీని ప్రారంభించే సమయంలో వాడేసాడని, పవన్ పేరు మీద ఎలాంటి ఆస్తులు లేవనీ, కేవలం 8ఎకరాల ఫామ్ హౌస్ మాత్రమే ఉందని నాగబాబు చెప్పుకొచ్చారు.