టాప్ హీరో దగ్గర పిల్ల స్కూలు ఫీజులకు డబ్బుల్లేవా అంటూ పవన్ కళ్యాణ్ పై విరుచుకుపడ్డ సీనియర్ దర్శకుడు
ఈ వార్తాకథనం ఏంటి
పవర్ స్టార్ పవన్ కళ్యాణ్ రాజకీయాల్లోకి వచ్చినప్పటి నుండి ఆయన మీద ఏదో ఒక రకంగా విమర్శలు వస్తూనే ఉన్నాయి. ఆ విమర్శలు రాజకీయాన్ని దాటి వ్యక్తిగతంగా కూడా వచ్చిన సంగతి తెలిసిందే.
పవన్ మూడు పెళ్ళిళ్ళపై ఇప్పటికీ విమర్శలు వస్తూనే ఉంటాయి. తాజాగా సీనియర్ దర్శకుడు తమ్మారెడ్డి భరద్వాజ, పవన్ పై ఘాటైన వ్యాఖ్యలు చేసారు.
ఒకసారి జనసేన మీటింగ్ లో పవన్ కళ్యాణ్ మాట్లాడుతూ, పిల్లల కోసం దాచి ఉంచిన డబ్బుతో జనసేన పార్టీ ఆఫీసు ప్రారంభించానని చెప్పుకొచ్చారు.
ఈ మాటలపై తమ్మారెడ్డి విరుచుకుపడుతూ, మీరు ఒక్కో సినిమాకి 50 నుండి 80కోట్ల పారితోషికం తీసుకుంటారు కదా, మరి మీకు పిల్లల స్కూలు ఫీజులు కట్టడానికి ఇబ్బంది అయ్యిందా అన్నారు.
పవన్ కళ్యాణ్
పార్టీ పెట్టినపుడు సంతోషించిన వారే ఇప్పుడు నీరసించిపోతున్నారని తమ్మారెడ్డి వ్యాఖ్య
స్కూలు ఫీజులు కట్టడానికి మీకు ఇబ్బంది అయ్యిందా? అలా ఎలా మాట్లాడతారు మీరు, వారానికి ఒకసారి రావడం, మీటింగ్ పెట్టి తిట్టి వెళ్ళిపోవడం ఇదేనా మీరు చేసే పని, ప్రత్యేక హోదా కోసం పోరాటం చేసారా? అని విమర్శించారు తమ్మారెడ్డి.
ఇంకా ఊరుకోకుండా, అప్పుడే సినిమాలు చేస్తుంటారు, అప్పుడే రాజకీయాలు అంటారు. సినిమాలు చేస్తే పూర్తిగా సినిమాలు చేయండని విమర్శించారు.
రాజకీయాల్లోకి కొత్తగా వచ్చినపుడు పవన్ కళ్యాణ్ వేరుగా ఉన్నారని, ఇప్పుడు పూర్తిగా మారిపోయారని తమ్మారెడ్డి భరద్వాజ చెప్పుకొచ్చారు. ప్రస్తుతం ఈ మాటలు సోషల్ మీడియాలో వైరల్ అవుతున్నాయి. వీటిపై పెద్ద చర్చ నడుస్తోంది.
మరి వీటిపై పవన్ కళ్యాణ్ ఎలా స్పందిస్తారో చూడాలి.