పెదకాపు-1 ఫస్ట్ లుక్: ఆసక్తి రేపుతున్న సామాన్యుడి సంతకం
కొత్త బంగారు లోకం, సీతమ్మ వాకిట్లో సిరిమల్లె చెట్టు చిత్రాల దర్శకుడు తన పంథా మార్చుకుని వెంకటేష్ హీరోగా నారప్ప చిత్రాన్ని తెరకెక్కించాడు. ఇప్పుడు అదే పంథాలో తన కొత్త సినిమా పెదకాపు-1 చిత్రాన్ని ప్రకటించాడు. సామాన్యుడి సంతకం అనే ఉపశీర్షికతో వస్తున్న పెదకాపు-1 చిత్ర ఫస్ట్ లుక్ రిలీజైంది. విరాట్ కర్ణ హీరోగా పరిచయం అవుతున్న ఈ సినిమాను, అఖండ సినిమాను నిర్మించిన ద్వారకా క్రియేషన్స్ నిర్మిస్తోంది. మిర్యాల రవీందర్ రెడ్డి నిర్మాతగా వ్యవహరిస్తున్నారు. పెదకాపు-1 చిత్ర ఫస్ట్ లుక్ ఇంటెన్స్ గా ఉంది. తన చుట్టూ వేలమంది ఉంటే అందులో తానొక్కడే చేయి పైకెత్తి, దేనికైనా సిద్ధం అన్నట్టుగా ఉన్నాడు విరాట్ కర్ణ.
మిక్కీని వదలని శ్రీకాంత్ అడ్డాల
విభిన్నమైన కథలో కమర్షియల్ అంశాలను జోడించి ఈ చిత్రాన్ని తెరకెక్కిస్తున్నారట. సీరియస్ సబ్జెక్టులా కనిపిస్తున్న ఈ చిత్రం, ఏ జోనర్ లో రూపొందుతోందనేది వెల్లడి చేయలేదు. మిక్కీ జే మేయర్ సంగీతం అందిస్తున్న ఈ సినిమాకు, సినిమాటోగ్రాఫర్ గా ఛోటా కె నాయుడు పనిచేస్తున్నారు. స్టంట్స్ బాధ్యతలు పీటర్ హెయిన్ చూసుకుంటున్నారు. ఈ సినిమాలో హీరోయిన్ ఎవరనేది ఇంకా బయటకు రాలేదు. మరి మరోసారి రా అండ్ రస్టిక్ గా ఉన్న సినిమాను తెరకెక్కిస్తోన్న శ్రీకాంత్ అడ్డాల, ఎలాంటి ఫలితాన్ని అందుకుంటాడో చూడాలి.
