Prabhas: 'స్పిరిట్' లో ప్రభాస్ క్యారక్టర్ రిలీవ్ చేసిన సందీప్ రెడ్డి వంగా
యంగ్ రెబల్ స్టార్ ప్రభాస్ ప్రస్తుతం గ్యాప్ లేకుండా వరుస సినిమాలతో బిజీగా ఉన్నారు. కల్కి చిత్రం ద్వారా మరోసారి తన స్టామినా చూపించిన ప్రభాస్, ప్రముఖ దర్శకులతో సూపర్ హిట్ సినిమాలకు గ్రీన్ సిగ్నల్ ఇచ్చారు. ఆయన ఇటీవల మారుతీ దర్శకత్వంలో 'ది రాజాసాబ్' సినిమాలో నటిస్తున్నాడు. ఇది హాస్యభరిత చిత్రంగా ఉంటుందట. ఈ చిత్రంతో పాటు హను రాఘవ పూడి దర్శకత్వంలో మరో సినిమా కూడా చేస్తున్నాడు. ఇందులో కథ బలం ప్రధానంగా ఉంటుందని తెలిసింది. ప్రభాస్ నటిస్తున్న మరో సినిమా 'స్పిరిట్', ఈ చిత్రాన్ని సెన్సేషనల్ డైరెక్టర్ సందీప్ రెడ్డి వంగా దర్శకత్వంలో రూపొందిస్తున్నారు.
'స్పిరిట్'లో పోలీస్ పాత్రలో కనిపించనున్న ప్రభాస్
అర్జున్ రెడ్డి, 'యానిమల్' వంటి సినిమాలతో బ్లాక్‌బస్టర్ హిట్స్ అందుకున్న సందీప్, 'స్పిరిట్'ను యానిమల్ కంటే మరింత వైలెంట్‌గా తీసేందుకు సన్నాహాలు చేస్తున్నట్లు తెలుస్తోంది. ఇటీవల పొట్టెల్ సినిమాకు సంబంధించిన ప్రీ రిలీజ్ ఈవెంట్‌లో సందీప్ రెడ్డి వంగా ప్రభాస్‌తో చేయబోయే సినిమా పోలీస్ కథగా ఉంటుందని తెలిపారు. ప్రభాస్ ఈ సినిమాలో ఎవరికీ తలవంచని పోలీస్ పాత్రలో కనిపిస్తారని చెప్పారు. ప్రస్తుతం ఈ చిత్రం ప్రీ ప్రొడక్షన్ పనులు శరవేగంగా జరుగుతున్నాయి. వచ్చే ఏడాదిలో 'స్పిరిట్' షూటింగ్ ప్రారంభం కానుంది. ప్రభాస్ కెరియర్‌లో మునుపెన్నడు చూడని విధంగా వైల్డ్‌గా ఉండనున్నట్లు సమాచారం.
