Prabhas : ప్రపంచ యుద్ధం చేయనున్న ప్రభాస్.. ఎన్ని కోట్లతో తెలుసా
ఈ వార్తాకథనం ఏంటి
బాహుబలి ఫేమ్, పాన్ ఇండియా స్టార్, టాలీవుడ్ హీరో ప్రభాస్ తెలుగు ప్రేక్షకులకు, ఫ్యాన్స్ మరో గుడ్ న్యూస్ అందించనున్నారు. ఈ మేరకు ప్రపంచ యుద్ధం నేపథ్యంలో ఓ సినిమాను తెరకెక్కించనున్నారు.
సీతారామం సినిమాతో భారీ హిట్ కొట్టిన హను రాఘవపూడితో ఈ సినిమా చేసేందుకు ప్రభాస్ గ్రీన్ సిగ్నల్ ఇచ్చినట్లు సమాచారం.
వరల్డ్ వార్-2 నేపథ్యంలో సాగే పీరియాడిక్ యాక్షన్ ఎంటర్టైనర్ గా ఈ సినిమా రూపొందించనున్నట్లు తెలుస్తోంది.
సుమారు రూ.300 కోట్లకుపైగా ఖర్చుతో ఈ పాన్ ఇండియా సినిమాను తెరకెక్కిస్తారని సినీవర్గాల్లో చర్చ జరుగుతోంది.
ఈ మేరకు ఓ బాలీవుడ్ నిర్మాణ సంస్థ సహా యూవీ క్రియేషన్స్ సంయుక్తంగా బాహుబలి లాంటి ఈ ప్రాజెక్టును నిర్మించనున్నారు.
Details
మరో రెండేళ్ల సమయం అవసరం
మరోవైపు ఈ సినిమా పట్టాలు ఎక్కాలంటే చాలా సమయం పట్టేలా ఉంది. మరో రెండేళ్లు ప్రభాస్ కొత్త సినిమాలు చేసే అవకాశం చాలా తక్కువగా కనిపిస్తోంది.
ఇటీవలే ప్రభాస్ కి మోకాలి సర్జరీ జరగ్గా నెల రోజులకుపైగా విదేశాల్లో విశ్రాంతి తీసుకుని ఈ మధ్యే ఇండియాకు వెనక్కి వచ్చేశారు.
ఇదే సమయంలో సలార్ విడుదలకు సిద్ధం అవుతుండగా, కల్కి, రాజా డీలక్స్ సెట్స్ పై ఉన్నాయి.
ఇప్పటికే రిలీజైన రాధే శ్యామ్, ఆదిపురుష్ అట్టర్ ఫ్లాప్ గా మిగిలిపోయాయి. సాహో ఓ మోస్తరు విజయం అందుకుని హిందీలో రూ.150 కోట్లకుపైగా వసూళ్లు రాబట్టింది.
details
డిసెంబర్ 22న సలార్
ఒకరకంగా బాహుబలి-2 తర్వాత ప్రభాస్ కి ఆ స్థాయిలో హిట్ రాలేదు. ఈ క్రమంలోనే డిసెంబర్ 22న విడుదల కానున్న సలార్ సినిమాపై అంచనాలు విపరీతంగా ఉన్నాయి.
అనంతరం ప్రభాస్ నుంచి కల్కి 2898 AD రావాల్సి ఉంది. ఈ సినిమా చిత్రీకరణ దశలో ఉండగా, దర్శకుడు నాగ్ అశ్విన్ సోషియో ఫాంటసీ కథతో సైన్స్ ఫిక్షన్ చిత్రంగా మలుస్తున్నాడు.
కల్కి వచ్చే సంవత్సరం విడుదల కానుంది. మారుతి దర్శకత్వంలో నటిస్తున్న రాజా డీలక్స్ కామెడీ హారర్ థ్రిల్లర్ అని అంటున్నారు.
సలార్ కి సీక్వెల్ గా అర్జున్ రెడ్డి ఫేమ్ సందీప్ రెడ్డి వంగాతో ప్రభాస్ ఓ ప్రాజెక్టు చేయనున్నారు. స్పిరిట్ టైటిల్ తో ఈ చిత్రం రూపొందనుందని తెలుస్తోంది.