మెగాస్టార్ చిరంజీవి చేతిలో మరో సినిమా.. ప్రభుదేవాకు అవకాశం?
ఈ వార్తాకథనం ఏంటి
వాల్తేరు వీరయ్య సినిమాతో తెలుగు బాక్సాఫీసుకు సంక్రాంతి సంబరం తీసుకువచ్చే పనిలో ఉన్నారు మెగాస్టార్ చిరంజీవి. జనవరి 13వ తేదీన ఈ సినిమా ప్రేక్షకుల ముందుకు వస్తోంది. ఈ సినిమాపై అభిమానులందరికీ ఎన్నో అంచనాలు ఉన్నాయి.
ఈ సినిమా ఇంకా ప్రేక్షకుల ముందుకు రాకముందే మెగాస్టార్ చిరంజీవి నెక్స్ట్ సినిమా గురించి అనేక వార్తలు సోషల్ మీడియాలో చక్కర్లు కొడుతున్నాయి. వాల్తేరు వీరయ్య తర్వాత మెహెర్ రమేష్ దర్శకత్వంలో భోళాశంకర్ రూపుదిద్దుకుంటోంది.
భోళాశంకర్ తర్వాత డాన్స్ కొరియోగ్రాఫర్ ప్రభుదేవా దర్శకత్వంలో సినిమా ఉంటుందని వినిపిస్తోంది. ఇప్పటికైతే కథ లైన్ వినిపించారని, అది చిరంజీవికి బాగా నచ్చిందని, పూర్తి స్క్రిప్ట్ తయారు చేసే పనిలో ప్రభుదేవా ఉన్నారని అంటున్నారు.
చిరంజీవి
ప్రభుదేవాతో రెండవ చిత్రం
ఇదివరకు ప్రభుదేవా దర్శకత్వంలో "శంకర్ దాదా జిందాబాద్" సినిమాను చేసారు చిరంజీవి. దాని తర్వాత ప్రభుదేవాతో సినిమా చేయలేదు. మొన్నటికి మొన్న గాడ్ ఫాదర్ సినిమాలో తార్ మార్ అనే పాట కోసం చిరంజీవిని కలిసారు ప్రభుదేవా.
అదే టైమ్ లో కథా చర్చలు జరిగినట్లు తెలుస్తోంది. దీని గురించి ఇంకా పూర్తి సమాచారం రావాలంటే మరికొన్ని రోజులు వెయిట్ చేయక తప్పదు.
ప్రస్తుతం వాల్తేరు వీరయ్య రిలీజ్ పనుల్లో బిజీగా ఉన్నారు కాబట్టి ఇప్పట్లో ప్రకటన వచ్చే అవకాశం లేదు. ఐతే ప్రభుదేవా దర్శకత్వంలో వచ్చిన శంకర్ దాదా జిందాబాద్ మూవీ, ఓ మోస్తారు విజయాన్ని అందుకుంది.
మరి ప్రభుదేవాతో మళ్ళీ సినిమా అంటే మెగా అభిమానులు ఎలా స్పందిస్తారో చూడాలి.