భోళాశంకర్: నిర్మాత ఇచ్చిన అప్డేట్ తో ఆనందంలో మెగా ఫ్యాన్స్
వాల్తేరు వీరయ్య తర్వాత మెగాస్టార్ చిరంజీవి చేస్తున్న భోళాశంకర్ మూవీ షూటింగ్ ఫాస్ట్ ఫాస్ట్ గా జరుగుతోంది. తాజాగా ఈ సినిమా నిర్మాత అనిల్ సుంకర్, ట్విట్టర్ వేదికగా ఒక అప్డేట్ ఇచ్చారు. పాటల రచయిత కాసర్ల శ్యామ చేసిన ట్వీట్ కి రిప్లై ఇస్తూ, ఈ అప్డేట్ అందించాడు. కాసర్ల శ్యామ్ ట్వీట్ చేస్తూ, భోళాశంకర్ సినిమా కోసం ఓ పాట రాసాననీ, చిరకాల కల నెరవేరుతున్న వేళ నా దిల్లులో డీజేలు మోగుతున్నాయని అన్నారు. ఆ మాటకు రిప్లై ఇచ్చిన నిర్మాత అనిల్ సుంకర, భోళాశంకర్ లో మీరు రాస్తున్న ఆ పాట, బెస్ట్ సాంగ్ అవుతుందని అన్నారు. దీంతో మెగా అబిమానులు హ్యాపీగా ఫీలవుతున్నారు.
అ పాట జానపదం అయ్యే అవకాశం ఉందని కామెంట్లు
కాసర్ల శ్యామ్ ఈ మధ్య రాసిన పాటలు దాదాపుగా హిట్టే. అవి కూడా ఎక్కువ శాతం జానపద పాటలే ఉన్నాయి. అలవైకుంఠపురములో సినిమాలో రాములో రాములా దగ్గరి నుండి మొన్నటి ధమాకాలోని జింతాకా వరకూ అన్నీ జానపదంతో కూడుకున్నవే. ఇప్పుడు చిరంజీవి భోళాశంకర్ లోనూ అలాంటి పాటే ఉంటుందని, జానపదమే ఉండాలని, ఆ పాటకు చిరంజీవి డ్యాన్స్ వేస్తే బాగుంటుందని అభిమానులు కోరుకుంటున్నారు. తమన్నా భాటియా హీరోయిన్ గా కనిపిస్తున్న ఈ సినిమాలో కీర్తి సురేష్, చిరంజీవి చెల్లెలి పాత్రలో కనిపించనుంది. ఏకే ఎంటర్ టైన్ మెంట్స్ బ్యానర్ లో రూపొందుతున్న ఈ సినిమాకు మహతి స్వర సాగర్ సంగీతం అందిస్తున్నారు. ఈ సినిమాని వేసవిలో విడుదల చేయాలని ప్లాన్ చేస్తున్నారు.