ఆర్ఆర్ఆర్ ను మించిన పుష్ప 2: రికార్డు ధరకు అమ్ముడైన ఆడియో హక్కులు
ఈ వార్తాకథనం ఏంటి
అల్లు అర్జున్, సుకుమార్ కాంబినేషన్లో రూపొందుతున్న పుష్ప 2 మూవీ, విడుదలకు ముందే సంచలనాలు సృష్టిస్తోంది. తాజాగా వస్తున్న సమాచారం ప్రకారం, పుష్ప 2 ఆడియో హక్కులు అత్యధిక ధరకు అమ్ముడైనట్లు తెలుస్తోంది.
తెలుగు సినిమా చరిత్రలో కనీవినీ ఎరుగని భారీ ధరకు అమ్ముడయ్యాయని అంటున్నారు. 65కోట్ల రూపాయలకు అన్ని భాషల ఆడియో హక్కులను టీ సిరీస్ దక్కించుకుందని వినిపిస్తోంది.
కేవలం ఆడియోకు ఇంత రేటు రావడం ఇండస్ట్రీ వర్గాలను ఆశ్చర్యపరుస్తోంది. ప్రపంచ వ్యాప్తంగా పేరు తెచ్చుకున్న ఆర్ఆర్ఆర్ ఆడియో హక్కులు 30కోట్లకు అమ్ముడయ్యాయి.
పుష్ప 2 మాత్రం, ఆర్ఆర్ఆర్ ను మించిపోయింది. ప్రస్తుతం పుష్ప 2 షూటింగ్ శరవేగంగా జరుగుతోంది.
Details
ప్రత్యేక పాటలో ఊర్వశి రౌతెలా?
ఇప్పటివరకు పుష్ప 2 నుండి వేర్ ఈజ్ పుష్ప వీడియో, అల్లు అర్జున్ లుక్ మాత్రమే రిలీజైంది. పుష్ప 2 నుండి అప్డేట్స్ రాక చాలా రోజులైంది.
అప్పుడెప్పుడో భన్వర్ సింగ్ షెకావత్ పాత్రలో కనిపిస్తున్న ఫాహద్ ఫాజిల్ ఫోటోను షేర్ చేసారు మేకర్స్. ఆ తర్వాత ఎలాంటి పోస్టర్ రాలేదు.
పుష్ప 2 సినిమాలో బాలీవుడ్ హీరో రణ్వీర్ సింగ్ చేయబోతున్నాడని వార్తలు వచ్చాయి. ఈ విషయమై క్లారిటీ రావాల్సి ఉంది.
మరో విషయం ఏంటంటే, పుష్ప 2 మూవీ ఉండే స్పెషల్ సాంగ్ లో బాలీవుడ్ భామ ఊర్వశి రౌతెలా కనిపించనుందని వినిపించింది. పుష్ప 2 చిత్రాన్ని ఈ సంవత్సరం డిసెంబరులో రిలీజ్ చేసే అవకాశం ఉంది.