పుష్ప 2 సినిమాలో ఐటెం సాంగ్ చేయడంపై సీరత్ కపూర్ క్లారిటీ ఇచ్చేసింది
పుష్ప 2 మీద అభిమానుల్లో అంచనాలు విపరీతంగా ఉన్నాయి. వేర్ ఈజ్ పుష్ప అనే వీడియో రీలీజ్ అయినప్పటి నుండి ఈ అంచనాలు మరింత పెరిగాయి. ప్రస్తుతం పుష్ప 2 సినిమాలోని ఐటెం సాంగ్ గురించి చర్చ నడుస్తోంది. పుష్ప లోని ఊ అంటావా.. ఊ ఊ అంటావా అనే పాట, ఎంత వైరల్ గా మారిందో అందరికీ తెలుసు. అదే మాదిరిగా పుష్ప 2లో కూడా ఐటెం సాంగ్ ఉండనుందట. ఈ పాటలో అల్లు అర్జున్ తో ఎవరు స్టెప్పులు వేయనున్నారనేది ఇప్పుడు హాట్ టాపిక్ గా మారింది. రన్ రాజా రన్ హీరోయిన్ సీరత్ కపూర్, పుష్ప 2సినిమాలో ఐటెం సాంగ్ చేయనుందని అన్నారు.
ఐటెం సాంగ్ చేయడం లేదన్న సీరత్ కపూర్
రీసెంట్ గా అల్లు అర్జున్ తో ఫోటో దిగిన సీరత్ కపూర్, సోషల్ మీడీయాలో పోస్ట్ చేసింది. అప్పటి నుండి పుష్ప 2 ఐటెం సాంగ్ లో అల్లు అర్జున్ తో సీరత్ కపూర్ ఆడిపాడనుందని అన్నారు. తాజాగా ఈ విషయమై సీరత్ కపూర్ క్లారిటీ ఇచ్చింది. ఇన్స్ టా స్టోరీ వేదికగా, పుష్ప 2 ఐటెం సాంగ్ చేయట్లేదని, అల్లు అర్జున్ మంచి ఫ్రెండ్ అని, కలవక చాలారోజులు కావడంతో ఫోటో దిగానని చెప్పుకొచ్చింది. సుకుమార్, అల్లు అర్జున్ కాంబినేషన్లో వచ్చే సినిమాల్లో ఐటెం పాటలకు ప్రత్యేకత ఉంటుంది. ఆ ఆ ప్రత్యేక గీతంలో అల్లు అర్జున్ తో ఎవరు డ్యాన్సులు వేస్తారో చూడాలి.
