పుష్ప 2: బన్నీ అభిమానులకు పండగే, 3నిమిషాల టీజర్ రెడీ
ఈ వార్తాకథనం ఏంటి
పుష్ప 2 నుండి సాలిడ్ అప్డేట్ రాబోతుంది. అల్లు అర్జున్ అభిమానులు అందరూ ఊగిపోయే అప్డేట్ ఇవ్వడానికి మైత్రీ మూవీ ప్లాన్ చేస్తున్నట్లు తెలుస్తోంది.
ఏప్రిల్ 8వ తేదిన తన పుట్టినరోజును జరుపుకుంటున్నాడు అల్లు అర్జున్. ఈ నేపథ్యంలో పుష్ప 2 నుండి టీజర్ వస్తుందట. అది కూడా మూడు నిమిషాల టీజర్ ని వినిపిస్తోంది.
అవును, పుష్ప సినిమా అభిమానులను, అల్లు అర్జున్ అభిమానులను సర్పైజ్ చేయడానికి మూడు నిమిషాల టీజర్ ని రిలీజ్ చేయాలని దర్శకుడు సుకుమార్ భావిస్తున్నట్లు చెప్పుకుంటున్నారు.
ఆల్రెడీ ట్రైలర్ కట్ రెడీ ఐపోయిందనీ, ఆ ట్రైలర్ కి నేపథ్య సంగీతాన్ని సమకూర్చే పనిలో దేవిశ్రీ ప్రసాద్ ఉన్నాడని ఫిలిమ్ నగర్ సర్కిల్స్ నుండి వార్తలు వినిపిస్తున్నాయి.
పుష్ప 2
వచ్చే ఏడాది రిలీజ్ కి రెడీ అవుతున్న పుష్ప 2
ప్రస్తుతానికి 3నిమిషాల టీజర్ పై ఎలాంటి అధికారిక సమాచారం లేదు. కానీ మరికొన్ని రోజుల్లో ఈ విషయాన్ని అధికారికంగా ప్రకటించే అవకాశం ఉందని అంటున్నారు.
పుష్ప మూవీ, ఆల్ ఇండియాలో కలెక్షన్ల వర్షాన్ని కురిపించింది. ఒక్క తెలుగులోనే కాదు హిందీ, తమిళం, కన్నడ, మళయాలం.. అన్ని భాషల్లో విజయవంతమై కూర్చుంది.
అందుకే పుష్ప 2 మూవీపై జనాల్లో భారీ అంచనాలున్నాయి. పుష్ప ను మించి యాక్షన్ సీక్వెన్సెస్ పుష్ప 2లో ఉంటాయని అనుకుంటున్నారు.
ఆ అంచనాలకు తగ్గట్టుగానే పుష్ప 2ని రెడీ చేస్తున్నారట. రష్మిక మందన్న హీరోయిన్ గా నటిస్తున్న ఈ చిత్రం, వచ్చే ఏడాది రిలీజ్ అయ్యే అవకాశాలు కనిపిస్తున్నాయి.